„შენიშვნები, რომელიც პრეზიდენტის მხრიდან არის გამოგზავნილი, ვთვლი, რომ არ არის სამართლებრივი არგუმენტებით, ჩემი აზრით ეს უფრო პოლიტიკურ კეკლუცს ჰგავს, ვიდრე სამართლებრივ არგუმენტს“, - ამის შესახებ ადამიანის უფლებათა დაცვის კომიტეტის  თავმჯდომარემ სოფიო კილაძემ პარლამენტის პლენარულ სესიაზე პრეზიდენტის მოტივირებულ შენიშვნებთან დაკავშირებით განაცხადა.

როგორც კილაძემ აღნიშნა, პრეზიდენტის მხრიდან წარმოდგენილი მოტივირებული შენიშვნები მას არ აძლევს იმის თქმის საშუალებას, რომ არგუმენტირებულია.

„ძალიან მნიშვნელოვანია ის ფაქტობრივი გარემოება, რომ კონსტიტუციურ- სამართლებრივი თვალსაზრისით  პრეზიდენტი თუ გადაწყვეტს, რომ ვეტო დაადოს  კონკრეტულ კანონპროექტს, აუცილებლად მან მოტივირებული შენიშვნები  უნდა წარმოადგინოს. ის შენიშვნები რაც მე პირადად ვნახე, რაც არის გამოგზავნილი საქართველოს პრეზიდენტის მხრიდან, ვთვლი, რომ არ არის სამართლებრივი არგუმენტები.  ეს არ არის სამართლებრივი არგუმენტები  და მაშინ რა არის? ჩნდება კითხვა. ჩემი აზრით ეს უფრო პოლიტიკურ კეკლუცს ჰგავს, ვიდრე სამართლებრივ არგუმენტს.  წარმოდგენილი  შენიშვნები ნამდვილად არ მაძლევს იმის თქმის საშუალებას, რომ  ეს არის არგუმენტირებული, დასაბუთებული გადაწყვეტილება პრეზიდენტის მხრიდან“,-განაცხადა კილაძემ.

ამასთან, მისივე თქმით, ე.წ. ფარული მოსმენების კანონპროექტთან დაკავშირებით ოპონენტების მხრიდან პროცედურული ომი იყო, რომელიც აღნიშნული საკითხის დროში გაწელვას ემსახურებოდა.

„ჩვენ რამდენიმე კვირის წინ ვსაუბრობდით და  გაგახსენებთ,  ჩვენი ოპონენტების მხრიდან  იმ პროცედურულ ომს, რომელთაც მათ  დაიწყეს ამ კანონპროექტის განხილვისას.  ეს პროცედურული ომი ემსახურებოდა მხოლოდ  იმას, რომ რაც შეიძლება  გაწელილიყო ეს  განხილვა, რაც შეიძლება  მეტი დრო დასჭირვებოდა, რომ არა ჩვენი პარლამენტის თავმჯდომარის ძალიან პრინციპული პოზიცია იმასთან დაკავშირებით, რომ დაებრუნებინა ეს ადამიანები სამართლებრივ ჩარჩოში დღესაც იგივეზე ექნებოდათ ამ ადამიანებს საუბარი.  ეს ემსახურებოდა მხოლოდ და მხოლოდ იმას, რომ  გაეწელათ. არ არის ბატონებო ასე.  ძალიან პრინციპული პოზიცია დავიკავეთ და პრინციპულ პოზიციას დავიკავებთ ახლაც ამ ვეტოს შემთხვევაშიც. მე ვფიქრობ, რომ ეს ვეტო ემსახურება იმას, რომ ეს პროცესი გაიწელოს და მიაღწიონ იმ მიზანს, რომელიც ჰქონდათ, რომ ეს კანონპროექტი ჩავარდნილიყო. ეს არ მოხდება რა თქმა უნდა, ჩვენ  გულდასმით შევისწავლეთ ეს არგუმენტები  და მივედით იმ დასკვნამდე, რომ ეს არ არის მყარი არგუმენტები. ჩემი აზრით ამ კანონპროექტს აუცილებლად უნდა დავუჭიროთ მხარი  და აუცილებლად მივიღოთ ჩვენი კანონპროექტი, რომელიც უზრუნველყოფს  იმას, რომ როგორც ადამიანის უფლებები, ასევე სახელმწიფო უსაფრთხოება  იყოს დაცული ჩვენს ქვეყანაში“,-განაცხადა სოფიო კილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია