„მოძრაობა თავისუფლებისთვის- ევროპული საქართველოს“ ერთ-ერთი ლიდერის გიგი უგულავას განცხადებით, ,,ნებისმიერი სოლიდარობა ძალადობის და ვანდალიზმის პოლიტიკური ჯგუფების მხრიდან მხოლოდ აძლიერებს დღევანდელ უსუსურ და უპასუხისმგებლო ხელისუფლებას.

უგულავას თქმით, პოლიტიკური პროცესი თუ არ გასუფთავდა ძალადობისგან საზოგადოება და სახელმწიფო სავალალო შედეგებამდე მივა.

„რა თქმა უნდა პოლიტიკური პასუხისმგებლობა მთავრობაზეა, რადგან ჩვენ გუშინ ვიხილეთ ხშირ შემთხვევაში უმოქმედობა, პრევენციული ზომების არგატარება და შემდეგ რიგ შემთხვევებში ძალის გადამეტებაც. საზოგადოებამ უნდა იცოდეს რა არის მთავარი მიზეზი გუშინდელი და მსგავსი ძალადობრივი აქტების. მთავარი მიზეზი რა თქმა უნდა არის ის მძიმე სოციალური ფონი, რომელიც შექმნილია ქვეყანაში და რაც ქმნის ფეთქებადსაშიშ სიტუაციას და ამაზე სრული პასუხისმგებლობა აკისრია საქართველოს ხელისუფლებას და ივანიშვილის რეჟმს. უკნასკნელი ხუთი წლის განმავლობაში მთელი საზოგადოება ვაკვირდებით ხელისუფლების მიერ წახალისებული ორგანიზებული ჯგუფების მხრიდან პოლიტიკური ოპოზიციის დევნას, შევიწროვებას, კვერცხების და ქვების სროლას. მეტიც, გუშინდელი ვანდალიზმის ერთ-ერთი მონაწილე და ეს ბათუმელებმა განსაკუთრებით კარგად იციან, არის ადგილობრივი სუს-ის დავალებების შემსრულებელი. საზოგადოებას კარგად ახსოვს როგორ ესროდა ეს ადამიანი საკონსტიტუციო სასამართლოს ყოფილი თავმჯდომარის სახლს კვერცხებს და ქვებს მაშინ, როდესაც საკონსტიტუციო სასამართლომ ხელისუფლებისთვის საწინააღმდეგო გადაწყვეტილება მიიღო. საზოგადოებამ კარგად იცის, რომ ეს ადამიანი სუს-ის დავალებით მოქმედებდა და ყველაზე ბინძურ დავალებებს ასრულებდა. სწორედ ასეთ ძალადობრივ ჯგუფებს ეკისრებათ პასუხისმგელობა და სწორედ ხელისუფლების პასუხისმგებლობაც ამაში მდგომარეობს, რომ უკანასკნელი ხუთი წლის განმავლობაში აქტიურად იყენებდნენ ოპოზიციის წინააღმდეგ. დღეს, როგორც ჩანს, საქმე გვაქვს ან ძალოვნების შიდა დაპირისპირებასთან ან უბრალოდ კონტროლიდან გასულ ჯგუფებთან, რომლებიც საზოგადოებას და პირველ რიგში სახელმწიფოს აზარალებს. ჩვენი კონკრეტული მოთხოვნაა, პოლიტიკური პასუხისმგებლობა აიღოს ხელისუფლებამ. პოლიტიკური პროცესი თუ არ გასუფთავდა ძალადობისგან საზოგადოება და სახელმწიფო სავალალო შედეგებამდე მივა. გუშინდელი მოვლენა არის მხოლოდ აისბერგის წვერი გამომდინარე იმ მძიმე სოციალური ფონიდან, რომელიც შექმნილია ქვეყანაში’’,- აღნიშნა გიგი უგულავამ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია