2017-03-12 04:31:12, 1797 ნახვა
პოლიტიკა
მუხრან ბურჭულაძე: ეს არის მართვადი ქაოსი და მისი ავტორი არის პუტინი
"ლიბერალ დემოკრატების" წარმომადგენელი მუხრან ბურჭულაძე აჭარაში განვითარებულ კონფლიქტს პროვოკაციად აფასებს და მასში ბრალს ხელისუფლებას სდებს;
"ეს არის მართვადი ქაოსი და მისი ავტორი არის პუტინი. ივანიშვილმა შექმნა საპროტესტო გამოსვლების ანალოგი, თუ როგორ "უმართავად" შეიძლება იქცეს პროცესი და თუ რა შეიძლება მოჰყვეს რეჟიმის წინააღმდეგ გამოსვლებს. ეს არის მოძალადე რეჟიმის მიერ პროვოცირებული ვანდალიზმი, რამაც ქვეყანა მძიმედ დააზარალა.
ქართველებს ამით ვერ დააშინებთ იმიტომ, რომ ჩვენ გვაქვს მოძალადე და კორუმპირებული რეჟიმების მშვიდობიანი გზით შეცვლის გამოცდილება.
აჭარაში ჩადენილ ბარბაროსობაზე რეჟიმი პასუხს აგებს კანონის წინაშე, ისევე როგორც ამ წლების მანძილზე ჩადენილ ყველა დანაშაულზე."
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
