საქართველოს პრეზიდენტი გიორგი მარგველაშვილი საპრეზიდენტო არჩევნებში მორიგ ჯერზე მონაწილეობას არც უარყოფს და არც ადასტურებს. ამის შესახებ მან ტელეკომპანია "პირველის" ეთერში განაცხადა.

გიორგი მარგველაშვილმა უპასუხა საზოგადოების ნაწილის მოსაზრებას იმის თაობაზე, რომ სხვადასხვა სექტორის წარმომადგენლებთან დღეს გამართული შეხვედრით მან საარჩევნო კამპანია დაიწყო. პრეზიდენტის თქმით, ჰგავდა, მაგრამ ეს არ იყო საარჩევნო კამპანიის დასაწყისი.

მისივე თქმით, პრეზიდენტის ადმინისტრაციაში დღეს გამართულმა შეხვედრამ იმის გამო დატოვა საარჩევნო კამპანიის დაწყების შეხედულება, რომ მისი გამოსვლა ემოციური იყო.

„იმიტომ ჰგავდა საარჩევნო კამპანიის დასაწყისს, რომ ეს იყო უაღრესად ემოციური მომენტი. ასეთი ემოციური მომენტი პოლიტიკოსის ცხოვრებაში იშვიათია, მათ შორის კამპანიის დასაწყისიც არის, მაგრამ ეს არ იყო საარჩევნო კამპანიის დასაწყისი - უაღრესად აღმაფრთოვანებელ მომენტში ჩვენ შეგვიძლია ვისაუბროთ რაღაც ერთობაზე. საარჩევნო კამპანიას დავიწყებ ისე, რომ ამას პიარულად პიკზე არ ავწევ და რაღაცას მივაბამ. საარჩევნო კამპანიის დაწყებას თავისი დინამიკა და თავისი ლოგიკა აქვს და ამას ასე არც ერთი პოლიტიკოსი არ მიაბამს რაღაცას. გეთანხმები, ჰგავდა ემოციით, მაგრამ ეს არ იყო საარჩევნო კამპანიის დასაწყისი“, - განაცხადა პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება