სტრასბურგის სასამართლომ რუსთავი2-ის საქმესთან დაკავშირებით მიიღო ნამდვილად ისტორიული გადაწყვეტილება, - ასე აფასებს თბილისის საკრებულოს ფრაქცია რესპუბლიკელების წევრი, დავით ზურაბიშვილი, ევროსასამართლოს მიერ რუსთავი2-ის საქმეზე შეჩერების გადაწყვეტილების უვადოდ გაგრძელებას.

მისი თქმით, სტრასბურგის გადაწყვეტილება აისახება არა მარტო საქართველოში, არამედ ევროპაშიც. მან ასევე აღნიშნა, რომ სტრასბურგის სასამართლოს გადაწყვეტილება მომავლაში ასახავს, რომ ეს პროცესი არის პოლიტიკური და არანაირი ქონებრივი დავა არ მიმდინარეობდა.

„აქ, რა თქმა უნდა, ხელისუფლებამ, პირველ რიგში, უნდა გამოიტანოს დასკვნები, რომ ასე გაგრძელება არ შეიძლება და მონახოს რაღაცნაირად, სანამ ეს სტრასბურგის სასამართლო გამოიტანს განაჩენს და ვერდიქტს. მე დარწმუნებული ვარ, რომ ეს ვერდიქტი იქნება ისეთი, რომ აქ სწორედაც რომ პოლიტიკური პროცესია და სწორედაც, რომ ხელისუფლება ქონებრივი დავის საბაბით ცდილობდა, წაერთმია ტელევიზია მეპატრონეებისთვის, რათა დაექვემდებარებინა თავისი ინტერესებისთვის“, - განაცხადა დავით ზურაბიშვილმა.  

ცნობისთვის, სტრასბურგის სასამართლომ უზენაესი სასამართლოს გადაწყვეტილების აღსრულების შეჩერება უვადოდ გააგრძელა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ცხინვალში ე.წ აჩევნებზე მარატ კამბოლოვი - 88,4% ლიდერობს

ზახაროვა: რუსეთისა და საქართველოს ხალხებს ერთმანეთი ენატრებათ

უკრაინაში საცხოვრებელ შენობებზე რუსეთის მიერ განხორციელებული ავიადარტყმების შედეგად ოთხი ადამიანი დაიღუპა

დააკავეს პირი, რომელმაც მაღაზიიდან კომპიუტერულ ტექნიკა მოიპარა