2017-02-24 15:53:51, 2003 ნახვა
პოლიტიკა
რიკარდ იოზვაკი: საქართველოსთვის ვიზალიბერალიზაციის მინიჭების გადაწყვეტილებას ხელი 1 მარტს მოეწერება
საქართველოსთვის ვიზალიბერალიზაციის მინიჭებისა და ე.წ შეჩერების მექანიზმის ამოქმედების შესაბამის გადაწყვეტილებას ხელი 1 მარტს მოეწერება, -ამის შესახებ ”რადიო თავისუფლების” ბრიუსელის კორესპონდენტი რიკარდ იოზვაკი Twitter-ის საკუთარ გვერდზე წერს.
ჟურნალისტის ინფორმაციით, შესაბამისი ღონისძიება ბრიუსელში გაიმართება.
”ვიზალიბერალიზაციისა და ე.წ შეჩერების მექანიზმის ამოქმედებას ხელი 1 მარტს, ბრიუსელში მოეწერება. 1 მარტის შემდეგ, უნდა დაველოდოთ განკარგულების გამოქვეყნებას, რაც დამატებით 20 დღეს გულისხმობს”,- წერს იოზვაკი.
შეგახსენებთ, რომ 2 თებერვალს ევროპარლამენტმა საქართველოს ვიზალიბერალიზაციას ხმათა უმრავლესობით მხარი დაუჭირა. საქართველოს უვიზო მიმოსვლას 553 დეპუტატმა დაუჭირა მხარი, 66 კი წინააღმდეგი იყო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
