2017-02-22 14:41:01, 1465 ნახვა
პოლიტიკა
„ევროპული საქართველო“ ე.წ. ციანიდის საქმეზე საგანგებო პროკურორის დანიშვნას ითხოვს
„ჩვენ ვსვამთ საკითხს, რომ მთავარი პროკურორი ირაკლი შოთაძე ჩამოშორდეს ტანამდებობას და საგანგებო პროკურორი დაინიშნოს, რომელიც ამ საქმეს გამოიძიებს“,-ამის შესახებ „მოძრაობა თავისუფლებისთვის- ევროპული საქართველოს“ წევრმა ოთარ კახიძემ პარლამენტის პლენარულ სხდომაზე განაცხადა.
„დეკანოზ გიორგი მამალაძეს შეხვდა სახალხო დამცველი უჩა ნანუაშვილი და ძალიან ნიშანდობლივი ინფორმაცია გააცნო მან საზოგადოებას, რომელიც ეხება იმას, რომ თურმე მამა გიორგის განცხადებით მას ციანიდი არ ჰქონია, თურმე ბრალში მაღალი იერარქიის სასულიერო პირის მკვლელობაზე არ არის საუბარი და ეს ყველაფერი აღმოჩნდა ფარსი.
ჩვენ ვსვამთ საკითხს, რომ ირაკლი შოთაძე ჩამოშორდეს თანამდებობას და დაინიშნოს საგანგებო პროკურორი, რომელიც გამოიძიებს ამ საქმეს“,-აღნიშნა ოთარ კახიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
