სინოდს უნდა მივცეთ შესაძლებლობა, რომ ითათბიროს მშვიდ გარემოში და არა პირდაპირ ეთერში, - ამის შესახებ საქართველოს პრეზიდენტმა გიორგი მარგველაშვილმა ტელეკომპანია "რუსთავი 2"-ის პირდაპირ ეთერში განაცხადა.

როგორც პრეზიდენტმა განმარტა, ის ამას იმიტომ არ ამბობს, რომ ყველაფერი დასამალია, არამედ იმიტომ, რომ ყველაფრის თქმა, ყველაფრის პირდაპირ ეთერში განხილვა ტემპერატურა წევს.

„უბრალოდ, უნდა მივცეთ შესაძლებლობა სინოდს, რომ ითათბიროს მშვიდ გარემოში და არა პირდაპირ ეთერში ამ საკითხებზე. არა, იმიტომ არ ვამბობ, რომ ყველაფერი დასამალია, არამედ იმიტომ, რომ  ყველაფრის თქმა, ყველაფრის პირდაპირ ეთერში განხილვა ტემპერატურა წევს,“ - განაცხადა გიორგი მარგველაშვილმა.

მისი განცხადებით, მართლმადიდებელი ეკლესიის ინტერესი ე.წ. ციანიდის საქმესთან დაკავშირებით, ბუნებრივია. მისივე თქმით, ეკლესიას გამოძიებამ მაქსიმალურად უნდა მიაწოდოს ინფორმაცია.

პრეზიდენტმა ასევე აღნიშნა, რომ ეკლესია არის არა უბრალოდ ერთ-ერთი ორგანიზაცია, არამედ კონტიტუციით განსაზღვრული კონფესიაა.  მისი თქმით, შეხვედრაზე არა მარტო მამა გიორგი მამალაძის შესახებ, არამედ ეკლესიის წინაშე არსებული სირთულეების შესახებ მიმდინარეობდა მსჯელობა.

"ამ სტრუქტურას უჩნდება ინტერესი, რომ მაქსიმალურად ჰქონდეს მიწოდებული ინფრომაცია. ეკლესია უნდა იყოს ინფორმირებული ყველა დეტალის შესახებ. 

ბევრს საკითხზე ერთმანეთის საპირისპირო აზრს გამოხატავდნენ, თუმცა ერთმანეთისადმი დიდი პატივისცემით," - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება