საქართველოში ვიზიტით მყოფი  გერმანიის ფედერაციული რესპუბლიკის ბუნდესტაგის წევრები დღეს ეკონომიკისა და მდგრადი განვითარების სამინისტროში იმყოფებოდნენ, სადაც მათ ეკონომიკის მინისტრის მოადგილეები - გენადი არველაძე და ნინო ჯავახაძე შეხვდნენ. მხარეებმა ორ ქვეყანას შორის ეკონომიკური ურთიერთობების  საკითხებზე ისაუბრეს და საქართველოში მიმდინარე რეფორმები განიხილეს. შეხვედრას გერმანიის ელჩი საქართველოში ჰაიკე ფაიჩიც ესწრებოდა.

გენადი არველაძის განცხადებით, გერმანული მხარე გაეცნო დეტალურ ინფორმაციას საქართველოს საინვესტიციო გარემოსა და იმ სექტორების შესახებ, რომელიც დღეს მიმზიდველია ქვეყანაში ინვესტიციების განსახორციელებლად.

„ბუნდესტაგის წევრებს მივაწოდეთ ინფორმაცია საქართველოს ეკონომიკური განვითარების შესახებ, თუ რა რეფორმებს ვახორციელებთ სხვადასხვა მიმართულებით. ასევე მივაწოდეთ ინფორმაცია იმ თავისუფალი სავაჭრო რეჟიმების შესახებ, რომელიც საქართველოს აქვს გაფორმებული სხვადასხვა ქვეყნებთან. ყურადღება გავამახვილეთ ევროკავშირთან თავისუფალი ვაჭრობის კუთხით არსებულ ტენდენციებზე, პროდუქტებზე, რომლებიც  გადის დღეს ევროკავშირის ბაზარზე, განვიხილეთ, თუ კიდევ რა პერსპექტივა არსებობს და რომელი პროდუქციებისთვის. გერმანულ მხარესთან ერთად ასევე განვიხილეთ ის შესრულება, რომელიც ჩვენ DCFTA-ს არსებული რეფორმების ნაწილში გვაქვს დღესდღეობით“ - განაცხადა გენადი არველაძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება