„სტურუას საქმე მთლიანად პროკურატურის განკარგულებაშია და მათ შორის ის საქმეც, რაც დედამისის ზეწოლას ეხებოდა“, - ასე უპასუხა შს მინისტრის მოადგილემ შალვა ხუციშვილმა „ევროპული საქართველოს“ ერთ-ერთი ლიდერის სერგო რატიანის კითხვას - „რა მიმართულებით არის წასული გამოძიება დემურ სტურუასთან დაკავშირებით“.

„დემურ სტურუას საქმე მთლიანად არის პროკურატურის განკარგულებაში  და მათ შორის ის საქმეც რაც დედამისზე ზეწოლას ეხებოდა. ჩვენ მაქსიმალურად  ვართ დისტანცირებული, რომ რაიმე მიკერძოების ან ჩვენი მხრიდან რაიმე ჩარევის ფაქტი არ იყოს.  ის პირი, ვის მიმართაც არის ბრალდება ამჟამად იმყოფება წინასწარ პატიმრობაში, შესაბამისად ყველა სტანდარტი რაც კრიმინალურ ქეისებზე არსებობს ხოლმე, მძიმე დანაშაულზე ეს სტანდარტები დაცულია. მეტს ჩვენი მხრიდან ვერაფერს ვერ მოგახსენებთ ამ საკითხზე“,-განმარტა შს მინისტრის მოადგილემ.

შეგახსენებთ, სოფელ დაფნარში 7 აგვისტოს 22 წლის დემურ სტურუამ სიცოცხლე თვითმკვლელობით დაასრულა. მან გარდაცვალებამდე წერილი დაწერა, სადაც გადაწყვეტილების მიზეზად, პოლიციის თანამშრომლის, გოდერძი თევზაძის მხრიდან ზეწოლას ასახელებდა. სტურუას თვითმკვლელობამდე მიყვანის ფაქტზე პროკურატურამ ბრალი პოლიციელ გოდერძი თევზაძეს წაუყენა, თუმცა ბრალდებული ამ დრომდე მიმალვაში იმყოფებოდა. აღკვეთის ღონისძიების სახით მას წინასწარი პატიმრობა აქვს შეფარდებული.

დემურ სტურუას თვითმკვლელობამდე მიყვანაში ბრალდებული ყოფილი პოლიციელი გოდერძი თევზაძე  სამართალდამცავებს  ჩაბარდა.

გოდერძი თევზაძეს აღკვეთის ღონისძიების სახით პატიმრობა ჰქონდა შეფარდებული. თევზაძე მიმალვაში იმყოფებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს პირი, რომელმაც მაღაზიიდან კომპიუტერულ ტექნიკა მოიპარა

ტრამპი აცხადებს, რომ მისი შვილი დააბრუნებს იმ თანხას, რომელიც რუსმა ოლიგარქმა ქორწილში დახარჯა

სახელმწიფო დეპარტამენტმა უკრაინისთვის 2.68 მილიარდი დოლარის ღირებულების საჰაერო თავდაცვის სისტემების მიყიდვა დაამტკიცა

ტრამპმა ომი გამოუცხადა სამ მედიასაშუალებას: CNN-ს, MS NOW-ს და Politico-ს, მათ თეთრ სახლში შესვლა აეკრძალათ