„ერშიც და ბერშიც, საეკლესიო და სახელისუფლებო მმართველობაში აშკარაა, რომ ჩვენ პრინციპულობის პრობლემა გვაქვს“, - ამის შესახებ  ჭყონდიდის მიტროპოლიტმა, მეუფე  პეტრე ცაავამ „იმედის დროს“ განუცხადა.

მეუფემ პრემიერ-მინისტრზე და საპატრიარქოში მიმდინარე პროცესებზე ისაუბრა და აღნიშნა, რომ შესაძლოა, გიორგი კვირიკაშვილს დეკანოზ  გიორგი მამალაძის საკითხთან დაკავშირებით არასწორი ინფორმაცია მიაწოდეს.

„პრემიერის გამოსვლას რაც შეეხება, ძალიან ვწუხვარ, მე მას ვიცნობდი როგორც პატიოსან, მორწმუნე, ეკლესიურად მოაზროვნე ადამიანს, მაგრამ რაც აშკარაა ქვეყანაში ერშიც და ბერშიც, საეკლესიო და სახელისუფლებო მმართველობაში ჩვენ გვაქვს პრობლემა პრინციპულობის. უპრინციპო ადამიანები არიან წარმოჩენილი ამის გამო ვართ ამ მძიმე მდგომარეობაში. მე ვფიქრობ, რომ დღეს ქვეყანა როგორც არასდროს ისე, არავითარ შემთხვევაში  არ უნდა დაიყოს პარტიულ მიმდინარეობებად.  დღეს ქვეყანა უნდა დადგეს ფეხზე და უნდა დაიყოს პრინციპულებად და უპრინციპო ადამიანებად, მართლებად და ფარისევლებად, მატყუარებად და მართლებად. ეს არის მგონი გამოსავალი.  ორი ვარიანტია, ან ის არის დეზინფორმირებული როგორც არაერთგზის, როგორც პატრიარქი გვინახავს ამ მდგომარეობაში  და რა თქმა უნდა ეს გარემოცვის ბრალია, მაშინ მან უნდა  უნდა გადადგას სასწრაფოდ ნაბიჯები, დაგვიმტკიცოს, რომ ის მართავს პროცესებს.  ან თუ მას აქვს სწორი  ინფორმაცია, თუ რა უდანაშაულო მღვდლის გაწირვის მცდელობასთან აქვს საქართველოს ბოროტ ძალებს ადგილი  და ამას აკეთებს ეს უკვე დიდი დანაშაულია“,-განაცხადა მეუფე პეტრემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა განაცხადა, რომ ის გერმანიაში ჯარისკაცების „გაცილებით უფრო დიდ“ შემცირებას გეგმავს, ვიდრე 5000

თურქეთმა რუსეთთან ვაჭრობის მკვეთრი შემცირების შესახებ განაცხადა

ჟურნალისტებისთვის საქართველო არ წარმოადგენს უსაფრთხო ადგილს პროფესიული მოვალეობის შესრულებისთვის - საია

Politico: ტრამპი კუბის წინააღმდეგ სამხედრო ქმედებებს განიხილავს.