მართვის მოწმობის აღების მსურველებს პრაქტიკული გამოცდის ჩაბარება ქალაქის პირობებში, რეალურ მოძრაობაში მოუწევთ

2017-02-20 10:13:39, 1345 ნახვა

საზოგადოება

პარლამენტი ”საგზაო მოძრაობის შესახებ“ კანონში დაგეგმილი ცვლილებების და თანმდევი კანონპროექტების განხილვას აგრძელებს. იურიდიულ საკითხთა კომიტეტის სხდომა დღესაა ჩანიშნული.

ქვეყანაში საგზაო მოძრაობის კონტროლი მკაცრდება. შემოდის ფარული პატრულირების წესი, რა დროსაც კანონდარღვევებს სპეციალური ნიშნების გარეშე მოძრავი მანქანებიდან კამერებით დააფიქსირებენ.

ამასთან, მძღოლის მიერ დაგროვილ ჯარიმებს 100-ქულიანი სისტემით აღრიცხავენ. ქულების ნულამდე დაყვანის შემთხვევაში, მოქალაქე მართვის უფლებას დაკარგავს.

რთულდება მართვის მოწმობის აღებაც. მართვის მოწმობის აღების მსურველებს პრაქტიკული გამოცდის ჩაბარება რეალურ მოძრაობაში, ქალაქის პირობებში ქუჩაშიც მოუწევთ.

როგორც შს სამინისტროს სტრატეგიაშია ნათქვამი, იგეგმება მართვის მოწმობის მისაღები პრაქტიკული გამოცდის ჩაბარების სისტემის დახვეწა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან