2017-02-19 00:26:08, 1867 ნახვა
პოლიტიკა
პროკურატურაში უარყოფენ შოთაძის გადადგომას
პროკურატურა უარყოფს მთავარი პროკურორის ირაკლი შოთაძის გადადგომას. როგორც "ექსპრესნიუსს" მთავარ პროკურატურაში უთხრეს, შოთაძე აგრძელებს მთავარ პროკურორად მუშაობას.
"მედიასაშუალებებში ცოტა ხნის წინ გავრცელებული ინფორმაცია საქართველოს მთავარი პროკურორის მიერ თანამდებობის დატოვებასთან დაკავშირებით არის სიცრუე და არ შეესაბამება სინამდვილეს. მიგვაჩნია, რომ მსგავსი სახის ინფორმაციის გავრცელება ხდება მიზანმიმართულად და ემსახურება საზოგადოების შეცდომაში შეყვანას. საქართველოს მთავარი პროკურორი ირაკლი შოთაძე მუშაობას ჩვეულ რეჟიმში აგრძელებს. "
დღეს გავრცელებული ცნობით, მთავარი პროკურორი ირაკლი შოთაძე თანამდებობას ტოვებს. შოთაძემ განცხადება დღეს დაწერა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
