|
2015-04-01 13:19:24, 2435 ნახვა
ეკონომიკა
ავტოიმპორტიორებს განბაჟების ვადა გაეზრდებათ და ჯარიმებზე შეღავათები ექნებათ
ავტოიმპორტიორებს განბაჟების ვადა გაეზრდებათ და ჯარიმებზე შეღავათები ექნებათ. ცვლილება „საგადასახადო კოდექსში“ შედის, რომლის ინიციატორიც ფინანსთა სამინისტროს შემოსავლების სამსახურია. პროექტის თანახმად, საქართველოში 1 აპრილამდე შემოტანილი მექანიკური სატრანსპორტო საშუალების მფლობელი, გათავისუფლდება კოდექსით გათვალისწინებული ჯარიმებისაგან, თუ იგი მიმდინარე წლის 1 სექტემბრამდე უზრუნველყოფს მის გაფორმებას- გააიმპორტებს, ან რეექსპორტზე გაიყვნას. ამ რეგულაციით სულ მცირე 1000 ლარით "გაუიაფდება" მანქანა. სულ მცირე 1000 ლარით გაიაფებაში კი, კავკასიის ავტოიმპორტის დამფუძნებლის გიორგი სურგულაძის განმარტებით, იგულისხმება, რომ მანქანებმა, რომლებმაც ვერ მოასწრეს საბაჟო ტერმინალში შესვლა, ძველი კანონით მათ დაერიცხათ 1000 ლარიანი საბაჟო ჯარიმა და 500 ლარიანი შსს-ს მომსახურების, ანუ ტრანზიტული ნომრების ჯარიმა. „საუბარია ამ ორი ჯარიმის მოხსნაზე, რომელიც ფაქტობრივად 1500 ლარია“, – აღნიშნა სურგულაძემ. ასევე, გაუქმდება დაჯარიმება ამ ვადიდან 90 დღემდე გამოუცხადებლობაზე. შემდეგი ცვლილების თანახმად, თუ იმპორტიორმა 90 დღის განმავლობაში ვერ მოახერხა გაყიდვა, საბაჟო საწყობის რეჟიმში ავტომობილის განთავსების პირობები მარტივდება ამასთან, ეს რეჟიმი საბაჟო საწყობის გარდა სხვა ადგილებზე გავრცელდება, როგორიცაა ბაზრობა და ა.შ. ფინანსთა სამინისტროს შემოსავლების სამსახურში აღნიშნულ თემასთან დაკავშირებით შემოსავლების სამსახურის უფროსის გიორგი თაბუაშვილის ხელმძღვანელობით, ავტომობილების იმპორტიორებთან შეხვედრა გაიმართა. როგორც თაბუაშვილმა ჟურნალისტებს განუცხადა, ქვეყანაში შექმნილი ეკონომიკური მდგომარეობიდან გამომდინარე, იმპორტირებული ავტომობილების რეალიზება სწრაფად ვერ ხერხდება. აღნიშნული ცვლილება კი, მისივე თქმით, ავტოიმპორტის ხელშეწყობის მიზნით ხორციელდება. „ჩვენ ამ საკითხზებზე მუშაობა გარკვეული პერიოდის წინ დაწყებული გვქონდა. ავტოიმპორტიორებთან კონსულტაციებს ვმართავდით და შეჯრებული ვარიანტი გვაქვს. ცვლილება, რომელიც ძალაში შევა, დიდ შეღავათს მისცემს ავტოიმპორტიორებს“, – განაცხადა თაბუაშვილმა. ავტოიმპორტიორი გიორგი სურგულაძის შეფასებით, აღნიშნული ცვლილებები ამ ბიზნესის ახლანდელ მდგომარეობას შეამსუბუქებს. „სახელმწიფოს მხრიდან, საკმაოდ ეფექტური ცვლილებები ხორციელდება, რომელიც ვფიქრობ, ბიზნესს რთულ მდგომარეობას შეუმსუბუქებს“, – აღნიშნა სურგულაძემ.
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



