დიდი ბრიტანეთისა და ჩრდილოეთ ირლანდიის გაერთიანებული სამეფოს მთავრობა და გაეროს განვითარების პროგრამა საქართველოში საჯარო მმართველობის რეფორმის განხორციელებას ხელს უწყობენ.

პროექტის – “საჯარო მმართველობის რეფორმის მხარდაჭერა საქართველოში” – პრეზენტაცია სასტუმრო „თბილისი რუმსში“ გაიმართა.

ღონისძიება საქართველოს პირველმა ვიცეპრემიერმა და ფინანსთა მინისტრმა დიმიტრი ქუმსიშვილმა გახსნა. ვიცეპრემიერმა ღონისძიებაზე მოწვეულ სტუმრებს საჯარო მმართველობის რეფორმის ხელშეწყობის ინიციატივისა და კვლევის შედეგები წარუდგინა. “საჯარო მმართველობის რეფორმა საქართველოს მთავრობის ოთხპუნქტიანი გეგმის უმნიშვნელოვანესი ნაწილია, რომელიც ითვალისწინებს დამსახურებაზე დაფუძნებული საჯარო სამსახურის ჩამოყალიბებას და სახელმწიფო სერვისების მიწოდების გზების გაუმჯობესებას“, – განაცხადა დიმიტრი ქუმსიშვილმა.

დიდი ბრიტანეთისა და ჩრდილოეთ ირლანდიის გაერთიანებული სამეფოს მთავრობის მიერ დაფინანსებული პროექტი  ეხმიანება საჯარო მმართველობის რეფორმის  პრიორიტეტულ მიმართულებებს და 2020 წლის ბოლომდე გაგრძელდება.

პროგრამის განხორციელებას უძღვება გაეროს განვითარების პროგრამა (UNDP), მთელ რიგ საჯარო უწყებებთან თანამშრომლობით, მათ შორისაა: საქართველოს მთავრობის ადმინისტრაცია, სახელმწიფო სერვისების განვითარებისა და მონაცემთა გაცვლის სააგენტოები, ასევე საჯარო სამსახურის ბიურო.

აღნიშნული პროექტის სერვისების მიწოდების კომპონენტი მიზნად ისახავს საჯარო სერვისების შექმნის, მიწოდების,  ხარისხის უზრუნველყოფისა და ფასწარმოქმნის ერთიანი სახელმწიფო პოლიტიკისა და სტანდარტების შემუშავებას. ასევე საერთო სტანდარტებზე მორგებული გადამზადებისა და კვალიფიკაციის ამაღლების სისტემის შემოღებას.

პროექტის შედეგად, მოსალოდნელია  სახელმწიფო სერვისების შექმნისა და მიწოდების ხარისხის გაზრდა, ინოვაციური მეთოდების და საუკეთესო პრაქტიკის გამოყენებით, მთელი ქვეყნის მასშტაბით, ელექტრონული სერვისების მოხმარების ზრდა და სხვა მნიშვნელოვანი გაუმჯობესებები საჯარო სერვისების მიწოდების სფეროში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება