გიორგი კვირიკაშვილი ბერლინში პატრიარქს მოინახულებს

2017-02-16 10:38:57, 1049 ნახვა

საზოგადოება

საქართველოს პრემიერ-მინისტრი გიორგი კვირიკაშვილი ბერლინის კლინიკაში 16 თებერვალს სრულიად საქართველოს კათოლიკოს-პატრიარქს, ილია მეორეს მოინახულებს.

გიორგი კვირიკაშვილი გერმანიაში მიუნხენის უსაფრთხოების 53-ე კონფერენციას დაესწრება. პრემიერი ბერლინში დაგეგმილზე ადრე მიემგზავრება, რათა პატრიარქი მოინახულოს.

სრულიად საქართველოს კათოლიკოს-პატრიარქის მდგომარეობას ექიმები დადებითად აფასებენ. გუშინ უწმინდესი ინტენსიური თერაპიის განყოფილებიდან პალატაში გადაიყვანეს.

ნაღვლის ბუშტზე ლაპარასკოპიული მეთოდით ჩატარებული ქირურგიული ოპერაციის შემდეგ, ილია მეორე რეაბილიტაციის კურსს გადის. როგორც ოპერაცია ისე სარეაბილიტაციო კურსის დასაწყისი კარგად მიმდინარეობს.

კლინიკიდან მას სავარაუდოდ, რამდენიმე დღეში გამოწერენ, რის შემდეგაც უწმინდესი რეაბილიტაციის კურსს საქართველოში განაგრძობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან