მთავარ პროკურატურაში "მოძრაობა თავისუფლებისთვის - ევროპული საქართველოს" წევრის ირაკლი აბესაძის გამოკითხვა დასრულდა. ის საგამოძიებო უწყებაში მოსამართლე ნაზღაიძის საქმესთან დაკავშირებით  დაიბარეს.

მისი თქმით, გამომძიებლებს დავალებული აქვთ, ბიუჯეტიდან მოპარული მილიონების გაპრავება და იმ ჩინოვნიკებზე გადაფარება, რომლებიც არიან დაკავებული კორუფციით და მექრთამეობით.

"ვისაუბრეთ იმაზე, რომ თბილისის მერიას არც ერთი საფუძვლით არ ჰქონდა უფლება გაეცა ერთი მილიონი ლარი. თუკი თბილისის მერია გადაუდებელი აუცილებლობით მოახდენდა ნაკვეთის ჩამორთმევას, მაშინ თავად თბილისის მერიის მიერ შედგენილი დასკვნით მიწის ღირებულება იყო 23 ათასი ლარი და 50-ჯერ უფრო მეტი კომპენსაცია გასცა თბილისის მერიამ, ვიდრე ეს იყო დადგენილი სამხარაულის ექსპერტიზის მიერ,“-განაცხადა ირაკლი აბესაძემ.

შეგახსენებთ, დაახლოებით ორი კვირის წინ, "მოძრაობა თავისუფლებისთვის - ევპროული საქართველოს" წევრმა ირაკლი აბესაძემ მთავარი პროკურატურისგან  რუსთავი 2-ის საქმის განმხილველი მოსამართლის ოჯახისთვის, კომპენსაციის სახით გადაცემული მილიონი ლარის ქონებასთან დაკავშირებით გამოძიება მოითხოვა.

როგორც ცნობილია, მოსამართლე ნაზღაიძის საქმესთან დაკავშირებით ირაკლი აბესაძის საგამოძიებო უწყების მიმართვაზე გამოძიება არ დაწყებულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა