სამადაშვილი დეკანოზის დაკავებაზე: მოველით, რომ პროკურატურა ინფორმაციას მუდმივ რეჟიმში მოგვაწოდებს

2017-02-13 15:01:17, 2226 ნახვა

პოლიტიკა კომენტარი

„ერთიანი ნაციონალური მოძრაობის" წევრის სალომე სამადაშვილის განცხადებით, საპატრიარქოში განვითარებული მოვლენებით პარტია „უკიდურესად შეშფოთებულია".

როგორც მან ჟურნალისტებს განუცხადა, კარგი იქნებოდა შექმნილიყო პარლამენტში სპეციალური ჯგუფი, რომელიც გამოძიების დეტალებზე ინფორმაციას მიიღებს.

"ვიცით, თუ რაოდენ დიდ როლს თამაშობს მისი უწმინდესი ჩვენს საზოგადოებაში, სტაბილურობის შენარჩუნებაში და ზოგადად ქვეყნის ცხოვრებაში. საქმე არის უკიდურესად მაღალი ინტერესის მქონე. ჩვენ მოველით, რომ პროკურატურა მოგვაწოდებს მუდმივ რეჟიმში ინფორმაციას. კარგი იქნება, სპეციალური ჯგუფი შექმნილიყო პარლამენტში, რომელსაც ექნება შესაძლებლობა მიიღოს ყველა დეტალი, რომელსაც შესაძლოა პროკურატურა ვერ გაამჟღავნებს. შევეცდებით, რაც ჩვენს ხელთ იქნება ინფორმაცია, მივაწოდოთ საგამოძიებო ორგანოებს", - განაცხადა სალომე სამადაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან