„112“-ის დაარსებიდან დღემდე, არამიზნობრივი ზარები 1 351 087-ით შემცირდა

2017-02-11 17:30:25, 1489 ნახვა

საზოგადოება

11 თებერვალს, როგორც საქართველო, ასევე, მსოფლიოს 81 ქვეყანა 112-ის დღეს აღნიშნავს. ამ დღის აღნიშვნის მიზანი, გადაუდებელი დახმარების ნომრის ცნობადობის გაზრდაა.

შინაგან საქმეთა სამინისტროს „112“-ის დეპარტამენტმა სპეციალურად ამ დღისთვის, გადაუდებელი დახმარების ნომრის ცნობადობის გაზრდის კვირეული გამოაცხადა, რომლის ფარგლებშიც სხვადასხვა სახის საინფორმაციო კამპანია განახორციელა.

მნიშვნელოვანია, რომ თითოეულმა მოქალაქემ იცოდეს - „112“ მთელი საქართველოს მასშტაბით, 24 საათის განმავლობაში იღებს შეტყობინებებს გადაუდებელ შემთხვევებთან დაკავშირებით.

„112“-ის დაარსებიდან დღემდე, არამიზნობრივი ზარები 1 351 087-ით შემცირდა, რისთვისაც „112“-მა მოქალაქეებს გააზრებული ქმედებისთვის მადლობა გადაუხადა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან