„მე არსად არ ვჩურჩულებდი, მაშინაც კი როდესაც თქვენი პრეზიდენტი ტყვიას მესროდა და მატერორებდა“, - ასე უპასუხა  იურიდიულ საკითხთა კომიტეტის თავმჯდომარემ ეკა ბესელიამ „ნაციონალური მოძრაობის“ წევრის რომან გოცირიძის კითხვას „რატომ  არის, რომ დეპუტატების ოთახში, სადაც ყავას სვამენ და ლარიანს აგდებენ, ყველა ჩურჩულებს“.

როგორც ბესელიამ აღნიშნა, მას არც ახლა ეშინია ხმამაღლა საუბრის და არც  სააკაშვილის ხელისუფლების დროს ეშინოდა.

„ბატონო რომან მე არ ვიცი თქვენ სად ჩურჩულებთ, ყავის დასალევად გასული იმ ოთახში თუ სად...  მე არსად არ ვჩურჩულებდი, მაშინაც კი როდესაც ტყვიას მესროდა თქვენი პრეზიდენტი  და ხელისუფლება და მატერორებდა. არც მაშინ ვჩურჩულებდი, ყველაზე ხმამაღლა გავიძახოდი სათქმელს.  ამიტომ არის შექმნილი ჩემი ლამაზო თოჯინა, ვიღაცას მწარეც ახსოვს  ჩემი ხმა და არც ახლა არ ვჩურჩულებ. არ მეშინია ხმამაღლა საუბრის და არც იმის თქმის რასაც ვფიქრობ, თქვენ  ვერ ბედავთ ხმამაღლა საუბარს, არ ვიცი რატომ საუბრობთ ხმადაბლა. ეს არის სამწუხაროდ იმ წარსულის ბრალი საიდანაც მოდიხართ.

თქვენ ძალიან მდიდარი ექსპრეზიდენტი გყავთ გუნდის ლიდერად და მას შეუძლია ფინანსებით შეისყიდოს აპარატურა, რომლის ფასიც 200 ათასი დოლარიდან იწყება, მას შეუძლია მოისმინოს. ამას აკეთებდნენ თქვენი ძველი მეგობრები, ახლებიც  შეიძლება, ეგ არ ვიცი, მაგრამ ეს არის უკანონობა“,-მიმართა ბესელიამ გოცირიძეს.

ცნობისთვის, რომან გოცირიძემ განაცხადა, რომ პარლამენტში, დეპუტატების ოთახში ხმამაღლა არავინ ლაპარაკობს. მისი თქმით, დეპუტატები ინფორმაციის გასაცნობად კორიდორში ჩუმად საუბრობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა