სასამართლო რეფორმის მესამე ტალღასთან დაკავშირებულ საკანონმდებლო პაკეტზე საქართველოს პრეზიდენტის მოტივირებულ შენიშვნებს   პარლამენტი საგაზაფხულო სესიის პირველ სხდომაზე განიხილავს.

პრეზიდენტის მოტივირებულ შენიშვნებს პარლამენტს პრეზიდენტის საპარლამენტო მდივანი ანა დოლიძე აცნობს.

 „ჩვენი მოტივირებული შენიშვნები ემსახურება ორ მიზანს: მოხდეს სასამართლოს დეცენტრალიზაცია და ხელი შევუშალოთ ძალაუფლების კონცენტრირებას თავმჯდომარეების ხელში და გაიზარდოს მოსამართლეების დაცულობა.

მიუხედავად საკომიტეტო მოსმენაზე გუშინდელი შედეგისა, ჩვენ იმედი გვაქვს, რომ დღეს იქნება კონსტრუქციული და შინაარსობრივი განხილვა ჩვენი შენიშვნების და პარლამენტი გულდასმით მოეკიდება ჩვენს წინადადებას", - განაცხადა ანა დოლიძემ ჟურნალისტებთან საუბრისას.

მისი განმარტებით, პრეზიდენტის მოტივირებული შენიშვნები ძირითადად ეყრდნობა ვენეციის კომისიის მოსაზრებებს. შესაბამისად, პრეზიდენტის შენიშვნებზე უარი, ეს არის უარი ვენეციის კომისიის მიმართ. ასევე, ამ შენიშვნებით გვინდა შევუშალოთ ხელი და შევზღუდოთ ძალაუფლების კონცენტრაცია რამდენიმე ადამიანის,  სასამართლოს დირექტორის ხელში, რომელიც იუსტიციის საბჭოში იუსტიციის საბჭოს მიერ დაინიშნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას