პარლამენტის იურიდიულ საკითხთა კომიტეტის სხდომაზე სასამართლო რეფორმასთან დაკავშირებულ საკანონმდებლო პაკეტზე  პრეზიდენტის მოტივირებულ შენიშვნებს განიხილავენ.

პრეზიდენტის საპარლამენტო მდივანმა, მომხსენებელმა ანა დოლიძემ, კომიტეტის წევრებს მოუწოდა, პრეზიდენტის მოტივირებული შენიშვნები განიხილონ, როგორც ერთი ჩვეულებრივი ეტაპი საკანონმდებლო პროცესში.  მისივე  განმარტებით, მოტივირებული შენიშვნები ესაა საშუალება, პრეზიდენტმა საკანონმდებლო პროცესში მონაწილეობა მიიღოს:

„ჩვენი შენიშვნები ეხება რამდენიმე ასპექტს წარმოდგენილი კანონპროექტისა და მოგიწოდებთ, რომ ჩვენი შენიშვნები განიხილოთ, როგორც ერთი ჩვეულებრივი ეტაპი საკანონმდებლო პროცესში. მოგეხსენებათ, რომ საკანონმდებლო პროცესი გვირგვინდება პრეზიდენტის მიერ პარლამენტის მიერ მიღებული კანონის განხილვით, მისი გამოქვეყნებით, ან პარლამენტისათვის პრეზიდენტის მოტივირებული შენიშვნების დაბრუნებით. პრეზიდენტის მოტივირებული შენიშვნები არ არის რაიმე ფატალური,  ან დრამატული ეტაპი, ესაა საშუალება, რომ პრეზიდენტმაც მიიღოს მონაწილეობა საკანონმდებლო პროცესში და გთხოვთ, ასე განიხილოთ თქვენს წინაშე წარმოდგენილი მოსაზრებები. ჩვენი მოსაზრებების ამოსავალი მიზანია სასამართლო სისტემის გაჯანსაღება“,-განაცხადა ანა დოლიძემ.

მისივე თქმით, შენიშვნათა ერთი ჯგუფი ეხება სასამართლო სისტემის დეცენტრალიზაციას და მოსამართლეებისთვის მეტი  ავტონომიის მინიჭებას, მეორე ჯგუფი- მოსამართლეთა დაცულობისა და დამოუკიდებლობის გაზრდას, ხოლო შენიშვნების მესამე ჯგუფი, შედარებით ტექნიკური ხასიათისაა და პრეზიდენტის ადმინისტრაცია პარლამენტს  სთავაზობს  ცვლილებებს, რომლებიც მართლმსაჯულების სისტემას უფრო დახვეწს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს