ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე სამუშაო ვიზიტით ბალტიისპირეთის ქვეყნებს-ლიტვის რესპუბლიკაში, ქ. ვილნიუსს, ესტონეთის რესპუბლიკაში ქ. ტალინსა  და ლატვიის რესპუბლიკაში ქ. რიგას ეწვევა.

სახელმწიფო მინისტრის აპარატის ინფორმაციით, ლიტვის რესპუბლიკაში დაგეგმილია ორმხრივი შეხვედრები საგარეო საქმეთა მინისტრთან ლინას ლინკევიჩიუსთან, საგარეო საქმეთა მინისტრის მოადგილესთან დარიუს სკესევიჩიუსთან, ეროვნული თავდაცვის მინისტრის მოადგილესთან ვიტაუტას უმბრასასთან, სეიმის ვიცე- სპიკერთან გედიმინას კირკილასთან, სეიმის საგარეო საქმეთა კომიტეტის თავმჯდომარესთან უოზას ბერნატონისთან, ასევე, მონაწილეობას მიიღებს  ვილნიუსის აღმოსავლეთ ევროპის კვლევითი ცენტრის (EESC) მიერ ორგანიზებული მრგვალი მაგიდის მუშაობაში-„ევროკავშირი-საქართველოს ასოცირების შეთანხმების იმპლემენტაცია: გამოწვევები და გადაწყვეტილებები“. 

ესტონეთის რესპუბლიკაში გაიმართება ორმხრივი შეხვედრები პარლამენტის ევროკავშირის საკითხთა კომიტეტის თავმჯდომარესთან ტოომას ვიტსუტთან, საგარეო საქმეთა მინისტრთან სვენ მიქსერთან, ესტონეთი-საქართველოს საპარლამენტო მეგობრობის ჯგუფის თავმჯდომარესთან ერიკ-ნილს ქროსთან და  თავდაცვის მინისტრის მოადგილესთან მაიკო ჰალჯასთან. ვიზიტის ფარგლებში სახელმწიფო მინისტრი სიტყვით გამოვა ტალინის მეოთხე ყოველწლიური კონფერენციის გახსნით სესიაზე.

ლატვიის რესპუბლიკაში, აგრეთვე, დაგეგმილია ორმხრივი შეხვედრები თავდაცვის მინისტრთან რაიმონდს ბერგმანისთან, ლატვიის საგარეო საქმეთა სამინისტროს საპარლამენტო მდივანთან ზანდა კალნინა-ლუკაშევიცასთან, ნატოს სტრატეგიული კომუნიკაციების ცენტრის დირექტორთან იანის საარტსთან და საეიმა-ს (პარლამენტი) საგარეო ურთიერთობების კომიტეტის თავმჯდომარესთან ოიარს ერიკს კალნინშთან.

ბალტიისპირეთის ქვეყნებში სამუშოა ვიზიტის დასრულების შემდეგ, ვიქტორ დოლიძე 14-17 თებერვალს საფრანგეთის რესპუბლიკაში ქ. სტრასბურგში გაემგზავრება,  სადაც დაგეგმილია სახელმწიფო მინისტრის სიტყვით გამოსვლა ევროპარლამენტში ევროკავშირი-საქართველოს საპარლამენტო ასოცირების კომიტეტის მეოთხე შეხვედრაზე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს