საქართველოს პრეზიდენტი გიორგი მარგველაშვილი  საზოგადოებრივ მაუწყებელში მიმდინარე პროცესს, „მედიაში სირთულეებს“ უწოდებს.

როგორც მარგველაშვილმა ტელეკომპანია „იბერიას“ ეთერში განაცხადა, საქართველოში ყველა მედიასაშუალებაში შეიძლება ითქვას, რომ ჟურნალისტი თავისუფალია, თუმცა მას პრობლემატურ გარემოში უწევს მუშაობა:

„ამ პროცესს ჰქვია სირთულეები მედიაში.  ჩვენ შეიძლება ვთქვათ, რომ ყველა მედიასაშუალებაში ჟურნალისტები მუშაობენ,  აქვთ გამოხატვის თავისუფლება, არიან პოპულარულები, მაგრამ ეს ხორციელდება პრობლემურ გარემოში. ან საუბარია გაკოტრებაზე, ან დახურვაზე, ან მეპატრონეთა შეცვლაზე, მუდმივად ამ სფეროს წარმომადგენლებს უხდებათ რთულ ვითარებაში მოღწვაეობა, ეს არ არის კარგი და ყველა- პოლიტიკოსებიც და საზოგადოებაც უნდა ფრთხილად ვაკვირდებოდეთ და აქტიურად გამოვხატავდეთ აზრს, როცა საქმე ეხება მედიის თავისუფლებას.თითოეულ საკითხზე ვერ იტყვი, რომ ეს არის თავიდან ბოლომდე შეთქმულების საკითხი, მაგრამ როცა რაოდენობა არ მთავრდება,  მივდივართ იქამდე, რომ რაოდენობა გადადის თვისობრიობაში“,-აღნიშნა გიორგი მარგველაშვილმა.

შეგახსენებთ, საზოგადოებრივი მაუწყებლის გენერალურმა დირექტორმა ვასილ მაღლაფერიძემ დღეს სადისკუსიო გეგმა წარმოადგინა იმის, თუ როგორ ხედავს საზოგადოებრივი მაუწყებლის კრიზისიდან გამოსვლის გზას. ბორდის მიერ გეგმის ამ სახით დამტკიცების შემთხვევაში, 2018 წლამდე საინფორმაციო გამოშვებების გარდა, ყველა გადაცემა შეჩერდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს