საქართველოს პრეზიდენტმა გიორგი მარგველაშვილმა ტელეკომპანია „იბერიას“ ეთერში მედიაში არსებულ ვითარებაზე ისაუბრა. მან სასამართლო დავებთან დაკავშირებით კომენტარის გაკეთებისგან თავი შეიკავა. გიორგი მარგველაშვილის განცხადებით, „ნაციონალური მოძრაობის“ ხელისუფლების პერიოდთან შედარებით, მედიის თავისუფლების მხრივ, ნაბიჯი წინ გადაიდგა, თუმც პრობლემები რჩება:

„ზოგადად მედიას თუ შევხედავთ, ჩემი აზრით მნიშვნელოვანია ვიყოთ აქტიური და კონცენტრირებული, მედიას ყველა ქვეყანაში სჭირდება დაცვა. ყოველთვის არის საჭირო, რომ პოლიტიკური სპექტირი იყოს გაერთიანებული ჟურნალისტების და მედიის თავისუფლების დაცვისათვის. ჩემი დიალოგი თქვენთან არის საშუალება, რომლითაც არა მარტო თქვენ,მეც ვმუშაობ, რომ მეძლევა საშუალება ამომრჩეველს ჩემი პოზიცია მივაწოდო.

თუ შევადარებთ წინა ხელისუფლების დროს, როდესაც ხდებოდა ის,  რაც ყველამ კარგად ვიცით, ტელევიზიების ძალადობრივი დახურვა და მართლა ჟურნალისტების მიმართ ძალიან დაუზოგავი დევნა, წინ გვაქვს ნაბიჯი გადადგმული წინა ხელისუფლებასთან მიმართებაში.ან რეიტინგულად რომ შევხედოთ ჩვენს სამეზობლოსთან მიმართებაში, დადებითი პარამეტრები გაქვს, მაგრამ რატომ უნდა შევედარო იმას, რაც არ არის მთლად მაღალი სტანდარტი და რატომ არ უნდა ვედრებოდე ევროპულ სტანდარტს?!“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა