2017-02-06 14:59:59, 1446 ნახვა
საზოგადოება
დაზარალებული მოვაჭრეები „ბავშვთა სამყაროს“ შენობაში შეუშვეს
სავაჭრო ცენტრ „ბავშვთა სამყაროში“ ხანძრის შედეგად დაზარალებული მოვაჭრეები შენობაში შეუშვეს.
„ნახშირი მიგვაქვს სახლში. 40 წლის ნაშრომი, როგორც იტყვიან აღარაფერი აღარ დაგვრჩა. შეძლებისდაგვარად, რაც ამოვიცანით ის არის“, - აცხადებენ მოვაჭრეები.
პროცესს შენობის მეწილეთა ნაწილი ესწრება. ადგილზე ასევე, სამართალდამცველებიც იმყოფებიან, რომლებიც დაზარალებულებთან ერთად, შენობაში შედიან, ვიდეოგადაღებას ახორციელებენ და შენობიდან გამოსული დაზარალებულების გამოკითხვას ახდენენ.
ცნობისთვის, „ბავშვთა სამყაროში“ ხანძარი ერთი კვირის წინ გაჩნდა. ხანძრის შედეგად 15 ათასი კვადრატული მეტრი ფართი დაიწვა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
