2017-02-06 13:43:25, 1251 ნახვა
საზოგადოება
დაზარალებული მეანაბრეები საზმაუსთან გადაცემა „რეალური სივრცის“ მხარდამჭერ აქციას მართავენ
საზოგადოებრივ მაუწყებელთან დაზარალებული მეანაბრეები გადაცემა „რეალური სივრცის“ მხარდამჭერ აქციას მართავენ.
მათი განცხადებით, აღნიშნულმა გადაცემამ თავის დროზე მათი პრობლემები ობიექტურად გააშუქა. ისინი მიიჩნევენ, რომ გადაცემა „რეალური სივრცე“ უნდა გაგრძელდეს.
შეგახსენებთ, საზოგადოებრივი მაუწყებლის გენერალურმა დირექტორმა ვასილ მაღლაფერიძემ დღეს სადისკუსიო გეგმა წარმოადგინა იმის, თუ როგორ ხედავს საზოგადოებრივი მაუწყებლის კრიზისიდან გამოსვლის გზას. ბოდრის მიერ გეგმის ამ სახით დამტკიცების შემთხვევაში, 2018 წლამდე საინფორმაციო გამოშვებების გარდა, ყველა გადაცემა შეჩერდება.
გადაცემის „რეალური სივრცე“ მხარდამჭერი აქცია გუშინ ორგანიზაცია „მწვანე მუშტმაც“ გამართა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
