თქვენ ვერ დაგიცავთ ეს რეჟიმი, კარგად დაფიქრდით, - ასე მიმართა პოლიტიკური პარტია "მოძრაობა თავისუფლებისთვის - ევროპული საქართველოს" ერთ-ერთმა ლიდერმა გიგი უგულავამ უზენაესი სასამართლოს მოსამართლეებს "რუსთავი 2"-ის პირდაპირ ეთერში.

უგულავას განცხადებით, ბესარიონ ალავიძე და პაატა ქათამაძე არის ის ორი მოსამართლე, რომლებიც იმ კოლეგიაში შედიოდნენ, რომელმაც რუსთავი2-ის საქმე დიდ პალატას განსახილველად გადასცა, ამიტომ, მისი თქმით, „უზენაესი სასამართლოს ორი მოსამართლის მიმართ დაწყებულია სპეცოპერაცია სუს-ის მიერ“. მისივე თქმით, უზენაესი სასამართლოს თავმჯდომარე არის გაუბედავი არსება, ის არის ივანიშვილის რეჟიმის გამტარებელი და ივანიშვილის რეჟიმის მოსამართლე.

გიგი უგულავამ მოსამართლეებს მიმართა და აღნიშნა, რომ ეს არ არის რიგითი საქმე, ეს საქართველოს მომავალს ეხება.

„თქვენ ვერ დაგიცავთ ეს რეჟიმი, ურთმელიძეს გააკეთებინეს ყველაზე სამარცხვინო საქმე და მერე მოისროლეს. ასე დაემართება ყველა მოსამართლეს, ასე პატივაყრილი, თეთრზე შავით დამწერი მოსამართლე შეუძლებელია, მერე დარჩეთ სასამართლო სისტემაში. მეგობრებო, კარგად დაფიქრდით, ეს არ არის რიგითი საქმე, ეს საქართველოს მომავალს ეხება,“ - განაცხადა გიგი უგულავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა