სამხრეთ ოსეთის დე ფაქტო საგარეო საქმეთა სამინისტროს განცხადებით, ევროპარლამენტის მიერ საქართველოსთვის უვიზო მიმოსვლის მინიჭების მხარდაჭერა, ოსეთის მოსახლეობაზე არ ვრცელდება.

როგორც განცხადებაში ვკითხულობთ, სამხრეთ ოსეთის მოსახლეობამ 25 წლის წინ გააკეთა თავის არჩევანი, რომ ყოფილიყო დამოუკიდებელი და არ სურს რამე საერთო ჰქონდეს საქართველოსთან, მათი განცხადებით, საქართველომ აგრესიული გზებით ვერ შეძლო სამხრეთ ოსეთის ერის განადგურება, სწორედ ამიტომ, ახლა ცდილობს პროპგანდისტული ხრიკები ჩაატაროს.

"სამხრეთ ოსეთის მოსახლეობამ 25 წლის წინ გააკეთა თავის არჩევანი, რომ ყოფილიყო დამოუკიდებელი და არ სურს რამე საერთო ჰქონდეს საქართველოსთან. საქართველომ აგრესიული გზებით ვერ შეძლო სამხრეთ ოსეთის ერის განადგურება, სწორედ ამიტომ, ახლა ცდილობს პროპგანდისტული ხრიკები ჩაატაროს. გარდა ამისა, საქართველოს ამჟამინდელმა ხელისუფლებამ, ისევე როგორც წინამორბედმა, ვერ შეძლო უარი ეთქვა ისეთ მიმართვებზე, რომლებიც ჯერ კიდევ ზვიად გამსახურდიას დროს არსებობდა და რომლებიც, სამხრეთ ოსეთის თითოეული მოქალაქისთის შეურაცხმყოფელია. მაგალითად: ტერმინი "ცხინვალის რეგიონი", ე.წ სამხრეთ ოსეთი და ყველანაირად ხელს უშლის, სამხრეთ ოსეთის მოსახლეობის ურთიერთობას საერთაშორისო ასპარეზზე. სამხრეთ ოსეთის რესპუბლიკის მოსახლეობას, კანონიერ საფუძველზე აქვს რუსეთის მოქალაქეობაც და რუსული საბუთები, რომლის მეშვეობითაც მსოფლიოს მასშტაბით მოგზაურობა შეუძლიათ, თუმცა სწორედ საქართველოს ხელისუფლება და მისი დასავლური მფარველები ყველანაირ დაბრკოლებას ქმნიან, რომ ჩვენი მოსახლეობა ევროკავშირის ქვეყნებში ვერ შევიდეს. გავიდა საკმარისი დრო, საქართველოს ხელისუფლება მიმხვდარიყო, რომ ურთიერთობის ერთადერთი მოდელი არის, პარიტეტული ურთიერთობა 2 თანასწოს სახელმწიფოს შორის", - ნათქვამია სამხრეთ ოსეთის დე ფაქტო საგარეო საქმეთა სამინისტროს მიერ გავრცელებულ განცხადებაში. 

ცნობისთვის, ევროპარლამენტმა საქართველოსთვის უვიზო მიმოსვლის დაწესებას მხარი დაუჭირა. 

ამასთან, საქართველოს საგარეო საქმეთა მინისტრის მიხეილ ჯანელიძის განცხადებით, უვიზოდ მიმოსვლას ოკუპირებული ტერიტორიების მოსახლეობაც შეძლებს. აღსანიშნავია, რომ მსგავსი შინაარსის განცხადება ოკუპირებული აფხაზეთის ე.წ საგარეო საქმეთა სამინისტრომაც გაავრცელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა