პოლიტიკურ საკითხებში პრეზიდენტის მრჩეველის ფიქრია ჩიხრაძის განცხადებით, სასამართლო რეფორმასთან დაკავშირებულ საკანონმდებლო პაკეტზე ვეტოს დადებამდე, წინასწარი კონსულტაციების დაწყების შესახებ ოფიციალური წერილები გაიგზავნა იუსტიციის მინისტრის, პარლამენტის თავმჯდომარისა და უზენაესი სასამართლოს თავმჯდომარის სახელზე.

თუმცა, ჩიხრაძის თქმით, საპარლამენტო უმრავლესობის მხრიდან კონსულტაციებზე მზაობა არ გამოთქმულა.

შესაბამისად, ფიქრია ჩიხრაძისთვის ვეტოსთან დაკავშირებით მმართველ გუნდში გაკეთებული განცხადებები გაუგებარია.

ჩიხრაძემ დღეს მედიას აღნიშნული პირების სახელზე გაგზავნილი წერილები აჩვენა.

„ძალიან მნიშვნელოვანი იყო დღევანდელი განხილვა. სამწუხაროა, რომ ამ განხილვაში საპარლამენტო უმრავლესობამ არ მიიღო მონაწილეობა. მოვისმინეთ რა მათი კომენტარები, ცხადად შემიძლია გითხრათ, რომ არამარტო ვეტოს დადების შემდეგ, მანამდეც იყო კომუნიკაციური ურთიერთობები ამ საკითხთან დაკავშირებით, ასევე ოფიციალური მიწერილობა. თუმცა, მათი მხრიდან არც მაშინ და არც ამ ეტაპზე არ იყო გამოხმაურება. უნდა ვთქვათ, რომ ვეტო ემსახურება არა ვინმესთან დაპირისპირებას, არამედ იმას, რომ მნიშვნელოვანი დატვირთვის მქონე საკითხებზე თუ რამე დააკლდა, კიდევ ერთხელ დავუბრუნდეთ მსჯელობას და ხარვეზები გავითვალისწინოთ“, - განაცხადა ფიქრია ჩიხრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!