ტელეკომპანია „რუსთავი 2“-ის გენერალური დირექტორი ნიკა გვარამია უზენაესი სასამართლოს თავმჯდომარე ნინო გვენეტაძეს „სახელმწიფოს მოკავშირეს“ უწოდებს.

როგორც გვარამიამ დღეს გამართულ ბრიფინგზე განაცხადა, თავისუფალი მედია და თავისუფალი სასამართლო ყოფნა - არ ყოფნის წინაშე დგას.

 „გვაქვს შეკითხვა უზენაესი სასამართლოს თავმჯდომარესთან, რატომ არ მოიქცა ის ისე, როგორც მოიქცა მისი წინამორბედი, რატომ არ მოხდა ამ ინფორმაციის გასაჯაროება. ეს კითხვა რიტორიკულია, უზენაესი სასამართლოს თავმჯდომარე არ არის მოსამართლეების მოკავშირე, იგი არის სახელმწიფოს მოკავშირე მათ წინააღმდეგ. მან პროკურატურაში გადააგზავნა ეს საქმე და მეორე დღიდან ამ მოსამართლეებზე დაიწყო უმძიმესი ზეწოლა, რომ მათ ან გაეტანათ განცხადება ან შეეცვალათ განცხადებაში მოყვანილი სუბიექტები. დაესახელებინათ არა ხელისუფლება, არამედ ჩვენი მხარე. ან ის ადამიანები რომლებიც ვითომდა აფილირდებიან ჩვენს მხარესთან, მაგალითად საქართველოს მესამე პრეზიდენტი მიხეილ სააკაშვილი. ეს არის სრულიად გაუგონარი  ქმედება, როგორც უზენაესი სასამართლოს თამჯდომარის ისევე პროკურატურის მხრიდან და მე ვფიქრობ, რომ ადამიანებმა, რომლებიც ამ ყველაფერში იღებდნენ მონაწილეობას, დაკარგეს როგორც მორალური, ასევე პროფესიული უფლება, რომ დაიკავონ უმაღლესი თანამდებობი სახელმწიფო სისტემაში“, - განაცხადა ნიკა გვარამიამ.

გვარამიას თქმით,  სახელმწიფო იქცევა დანაშაულებრივად. მისივე ინფორმაციით, ივანიშვილის დავალებით "რუსთავი 2"-ისა და სასამართლოს წინააღმდეგ ორკესტრირებული შეტევა მიმდინარეობს.

„სახელმწიფო ამ შემთხვევაში იქცევა დანაშაულებრივად, პრაქტიკულად ყველა მისი შტო ჩართულია ამ დანაშაულებრივ საქმიანობაში და ეს არის ორკესტრირებული საქმიანობა. ამას ჰყავს ერთი ხელმძღვანელი და ეს ხელმძღვანელი არის ბიძინა ივანიშვილი. ერთადერთი სახელისუფლო შტო, რომელიც ამაში ჩართული არ არის, საქართველოს პრეზიდენტია, რომელიც ყველაფერთან ერთად არის მოსამართლეების დამოუკიდებლობისა და კონსტიტუციური უფლებამოსილებების განხორციელების, ასევე სიტყვის თავისუფლების გარანტი, ჩვენ ვთხოვთ მას, რომ ღრმად შეისწავლოს ეს საქმე", - აღნიშნა მან.

ამასთან, ნიკა გვარამიამ საქართველოს პროკურატურას მიმართა და აღნიშნა, რომ მოსამართლეებზე ზეწოლა უნდა შეწყდეს.

"ჩვენ მოვითხოვთ საქართველოს პროკურატურისგან, რომ გამოქვეყნდეს განცხადების შინაარსი და შეწყდეს ზეწოლა მოსამართლეებზე, არა მხოლოდ ჩვენი საქმის გადაწყვეტის ნაწილში, არამედ იმ ნაწილში, რომ შეცვალონ ამ გადაწყვეტილების შინაარსი. ეს ზეწოლა არის ძალიან ფართომასშტაბიანი, იმიტომ, რომ მიმდინარეობს ანგარიშსწორება არა მხოლოდ ამ მოსამართლეებზე, არამედ მათი ოჯახის წევრებთან“, - აცხადებს გვარამია.

შეგახსენებთ, რომ უზენაესი სასამართლოს მოსამართლეები, ბესარიონ ალავიძე და პაატა ქათამაძე, რომლებიც „რუსთავი 2“-ის საქმეს განიხილავდნენ, მათ საქმიანობაში ჩარევის შესაძლო ფაქტზე გამოძიების დაწყების მოთხოვნით პროკურატურას მიმართეს. აღნიშნულ ფაქტთან დაკავშირებით გამოძიება 14 იანვარს დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა