„რუსეთი მაინც დგამს ისეთ ნაბიჯებს, რომელიც ძალიან შორს არის ცივილური სამყაროსგან, თუმცა  შევეცდებით, ინტეგრაციის პარალელურად კეთილმეზობლურ დამოკიდებულებაში ვიყოთ“, - ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ ჟურნალისტებს განუცხადა.

როგორც მინისტრმა აღნიშნა,  ქვეყანა  განსაკუთრებული საფრთხეების მოლოდინში აღარ არის.

„რუსეთი საფრთხეა ისედაც, რუსეთი ოკუპანტია, ცენტრალური მაგისტრალიდან სულ რაღაც  კილომეტრ ნახევარშია. განსაკუთრებული საფრთხეების მოლოდინში აღარ ვართ უკვე, მიუხედავად იმისა, რომ ვდგამთ კონკრეტულ  ნაბიჯებს  ეკონომიკური იქნება, კულტურული თუ ჰუმანიტარული ურთიერთობა. რუსეთი მაინც დგამს  ისეთ ნაბიჯებს, რომელიც ძალიან შორს ცივილური სამყაროსგან. თუმცა ჩვენ მაინც გავაგრძელებთ ამ ნაბიჯების გადადგმას, მაინც შევეცდებით, რომ ვიყოთ ინტეგრაციის პარალელურად რუსეთთან კეთილმეზობლურ, ნორმალურ დამოკიდებულებაში. ჩვენ გეოგრაფიას ბუნებრივია ვერ შევიცვლით, მაგრამ ჩვენი უპირველესი და უმთავრესი მიზანი როგორც საგარეო, ასევე უსაფრთხოების პოლიტიკის, არის სრულფასოვანი ინტეგრაცია ევროპულ და ევროატლანტიკურ სტრუქტურებში. მე დარწმუნებული ვარ, რომ ამას აუცილებლად მივაღწევთ“,-განაცხადა ვიქტორ დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!