ვიზალიბერალიზაცია ევროკავშირთან ურთიერთობებში ბოლო წერტილი არ არის - აქედან ევროპული ინტეგრაციის სრულიად ახალი ეტაპი იწყება, ჩვენი საბოლოო მიზანი ევროკავშირში სრული ინტეგრაციაა, - ამის შესახებ პარლამენტის თავმჯდომარე ირაკლი კობახიძემ ტელეკომპანია "იმედის" პირდაპირ ეთერში განაცხადა.

როგორც კობახიძემ აღნიშნა, დღევანდელი გადაწყვეტილება არის პასუხისმგებლობა, რომელიც გულისხმობს იმას, რომ უნდა გაგრძელდეს რეფორმები სხვადასხვა სფეროში. მისივე თქმით, ევროპარლამენტში გამართულ დებატებში ყველა მსხვილი პოლიტიკური ჯგუფის წარმომადგენელმა ერთხმად აღიარა პროგრესი, რომელსაც საქართველომ ბოლო პერიოდის განმავლობაში მიაღწია. 

"ევროპარლამენტის გადაწყვეტილება ერთის მხრივ ჩვენთვის ძალიან დიდი მიღწევაა, მაგრამ მეორე მხრივ, არის პასუხისმგებლობა. ეს პასუხისმგებლობა გულისხმობს იმას, რომ უნდა გაგრძელდეს რეფორმები სხვადასხვა სფეროში. ნაკისრი ვალებულებები, რომელიც აღებული გვაქვს ევროკავშირის მიმართ, ჩვენი ხელისუფლების მიერ აუცილებლად შესრულდება. 
სწორედ ამ პროგრესის და ამ წინსვლის დამსახურებაა ის, რომ დღეს ვიზალიბერალიზაციასთან დაკავშირებით დადებითი გადაწყვეტილება იქნა მიღებული. გადაწყვეტილება ძალიან დიდი უმრავლესობით მიიღეს”, - აღნიშნა კობახიძემ.

ცნობისთვის, ევროპარლამენტმა საქართველოს მოქალაქეებისათვის უვიზო მიმოსვლის რეჟიმის შემოღებას მხარი დაუჭირა. საქართველოს მოქალაქეებისთვის უვიზო მიმოსვლის რეჟიმის შემოღებას მხარი - 553 დეპუტატმა დაუჭირა, წინააღმდეგი - 66 დეპუტატი იყო, ხოლო 28 წევრმა თავი შეიკავა კენჭისყრაში მონაწილეობისგან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!