შემდეგი ნაბიჯი ევროკავშირში გაწევრიანება უნდა იყოს, - ამის შესახებ ევროპარლამენტის წევრმა ანდრეს მამიკინსმა საქართველოსთვის უვიზო რეჟიმის დაწესების შესახებ კენჭისყრის შემდეგ "პირველ არხთან" საუბარში განაცხადა.

მისი თქმით, ეს არის ახალი შესაძლებლობები ხალხთა შორის კონტაქტებისთვის. 

"დღევანდელი კენჭისყრა ნიშნავს, რომ მე მიყვარს საქართველო და არამარტო მე, ევროპარლამენტის უმრავლესობას. ჩვენ ვართ თანახმა, რომ საქართველოს მოქალაქეებმა, ვისაც აქვთ ბიომეტრიული პასპორტები, მარტიდან, ყველაზე გვიან აპრილიდან შეძლონ, ევროკავშირში, შენგენის ზონაში მიმოსვლა. ეს არის ახალი შესაძლებლობა ხალხთა შორის კონტაქტებისთვის, თქვენთვის, ჩემთვის, ჩვენი მეგობრებისთვის, ბიზნესმენებისთვის, სტუდენტებისთვის, ევროპაში მცხოვრები ქართველების ახლობლებისთვის, პოლიტიკური ურთიერთობების გასამყარებლად და გასაღრმავებლად, ჩემთვისაც და თქვენთვისაც დღეს ძალიან მნიშვნელოვანი დღეა", - აღნიშნა მან.

ცნობისთვის, ევროპარლამენტმა საქართველოს მოქალაქეებისათვის უვიზო მიმოსვლის რეჟიმის შემოღებას მხარი დაუჭირა. საქართველოს მოქალაქეებისთვის უვიზო მიმოსვლის რეჟიმის შემოღებას მხარი - 553 დეპუტატმა დაუჭირა, წინააღმდეგი - 66 დეპუტატი იყო, ხოლო 28 წევრმა თავი შეიკავა კენჭისყრაში მონაწილეობისგან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!