ევროინტეგრაციის საკითხებში სახელწმიფო მინისტრი ვიქტორ დოლიძე ევროპარლამენტში დღეს დაგეგმილ კენჭისყრასთან დაკავშირებით განმარტებებს აკეთებს.

დოლიძის თქმით, დღევანდელი გადაწყვეტილება არ ნიშნავს იმას, რომ  უკვე შესაძლებელი იქნება  ევროკავშირის ქვეყნებში უვიზოდ გადაადგილება.

მინისტრის თქმით, დარჩენილია  გარკვეული ტექნიკური პროცედურები:

„ კერძოდ, კიდევ ერთხელ უნდა მოხდეს საბოლოო დასტური და შეთანხმება ევროსაბჭოსა და ევროპარლამენტს შორის, ასევე ხელი მოეწეროს ევროპარლამენტის პრეზიდენტისა და ამჟამინდელი პრეზიდენტი ქვეყნის საგარეო საქმეთა მინისტრის მიერ შესაბამის დოკუმენტს, რომელიც უკვე ნათარგმნია ევროკავშირის ყველა ენაზე და ეს ძალიან მნიშვნელოვანია და შემდგომ იგი ქვეყნდება შესაბამის ევროპარლამენტის ე.წ. საკანონმდებლო მაცნეში, რომლის შემდგომაც ძალაში შედის დოკუმენტი 20 დღის ვადაში. დღეს ქალბატონმა მარია გაბრიელმაც  აღნიშნა, რომ სადღაც მარტის ბოლოდან აპრილის დასაწყისიდან პროცესი იქნება დაწყებული. მინდა გამოვიყენო საშულება და ჩვენ თანამოქალაქეებს ვთხოვო, ჩვენ ძლიან მასშტაბურ კამპანიას ვიწყებთ ცნობიერების ამაღლების კუთხით. თუ რა უნდა გააკეთოთ ჩვენმა თანამოქალაქეებმა, რა არ უნდა გააკეთონ, რათა პრობლემები არ შეიქმნას მომავალში და რაც მთავარია, ჩვენ უნდა ვიფიქროთ ერთმანეთზე, ჩვენს უკან ქვეყანა დგას, უნდა ვიფიქროთ ჩვენს მეგობრებზე, მეზობლებზე ოჯახის წევრებზე, რომლებსაც უნდათ მომავალში  ჩვენს მერეც სიარული და ამიტომ უნდა გავითვალისწინოთ ის კრიტერიუმები, რაც არის დაწესებული მიმოსვლასთან დაკავშირებით. ინფორმაციას კი მოსახლეობას მივაწვდით მასშტაბური კამპანიის შედეგად. აპრილი - მარტი? ეს არის არითმეტიკული გათვლა იმისა, რომ ყველა პროცედურის თანახმად როდის შევა ძალაში და როდის შეეძლებათ ჩვენს თანამოქალაქეებს სიარული. ანუ მარტის ბოლოდან, აპრილის დასაწყისიდან წესით უკვე ეს უნდა განხორციელდეს”,-განაცხადა ვიქტორ დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!