უვიზო მიმოსვლა არ არის საჩუქარი, რადგან საქართველომ ყველა ვალდებულება შეასრულა, - ამის შესახებ ევროპარლამენტარმა პეტრას ავსტრევიჩუსმა განაცხადა.

ის ქართველ ხალხს წარმატებას უსურვებს და ამბობს, რომ საქართველოს ხელისუფლებამ, უვიზო მიმოსვლის მიუხედავად, რეფორმების ჩატარება და ქვეყნის დასავლური, დემოკრატიული განვითარება უნდა გააგრძელოს. ის იმედს გამოთქვამს, რომ საბოლოო კენჭისყრა საქართველოსთვის წარმატებით დასრულდება.

„მივედით საბოლოო კენჭისყრამდე, რომელიც ვიმედოვნებ, წარმატებით ჩაივლის. მინდა, სიტყვით გამოვიდე და კვლავ გამოვხატო მხარდაჭერა საქართველოს ვიზალიბერალიზაციის მიმართ. სამწუხაროდ, პროცესი გაჭიანურდა და საქართველო ევროპის შიგნით მიმდინარე პოლიტიკური დებატების ერთგვარი მძევალი აღმოჩნდა. დღეს ევროპაში არსებული ვითარება მარტივი არ არის. ხედავთ, რომ არსებობს იზოლაციის ტენდენცია არა მხოლოდ აქ, ჩვენთან, არამედ ამერიკაშიც, რაც ძალიან ცუდია. იმედი მაქვს, რომ კენჭისყრა იქნება საქართვლოსათვის ერთგვარი სტიმული, რომ ქვეყანაში რეფორმები არ შეჩერდეს. ქართველ პოლიტიკოსებს კარგად უნდა ესმოდეთ, რომ ქვეყნის განვითარება რიგითი მოქალაქებისათვისაა კარგი. უვიზო მიმოსვლა არ არის საჩუქარი, რადგან საქართველომ ყველა ვალდებულება შეასრულა. ახლა უნდა გაგრძელდეს რეფორმები იმის დასამტკიცებლად, რომ ამას აკეთებთ არა ბრიუსელის, არამედ საქართველოს მოქალაქეებისთვის,” - განაცხადა ევროპარლამენტარმა პეტრას ავსტრევიჩუსმა.

ცნობისთვის, ევროპარლამენტი საქართველოს მოქალაქეებისათვის უვიზო მიმოსვლის რეჟიმის შემოღებას კენჭს 2 თებერვალს უყრის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!