2017-01-30 22:17:31, 1212 ნახვა
საზოგადოება
სიღნაღის რაიონის სოფელ ტიბაანში კულტურის სახლი იწვის
სიღნაღის რაიონის სოფელ ტიბაანში კულტურის სახლი იწვის. ამის შესახებ ინფორმაციას "რუსთავი 2" ავრცელებს.
არსებული ინფორმაციით, დაწესებულებას ცეცხლი სახურავიდან გაუჩნდა და მთლიან შენობას მოედო.
ამ წუთებში, შემთხვევის ადგილზე მობილიზებულია პოლიცია და კახეთის რამდენიმე რაიონის სახანძრო-სამაშველო ბრიგადა, რომლებიც ცეცხლის ლოკალიზებას ცდილობენ.
ხანძრის გაჩენის მიზეზი ამ დროისთვის დაუდგენელია. მოსახლეობა არ გამორიცხავს, რომ ცეცხლის კერა დაუდევრობის გამო წარმოიშვა.
ცნობისთვის, აღნიშნული კულტურის სახლი 20 წელია არ ფუნქციონირებს. შენობის ინფრასტრუქტურა თითქმის მთლიანად დაზიანებულია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
