„თავისუფალი დემოკრატების“ წევრი, შალვა შავგულიძე, ე.წ. კაბელების საქმეზე მსჯავრდებულების შეწყალებას დადებითად აფასებს და თვლის, რომ პრეზიდენტმა სწორი გადაწყვეტილება მიიღო.

როგორც შავგულიძემ აღნიშნა, პრეზიდენტს, გარდა შეწყალების გამოყენების ვალდებულებისა, გამოუყენებლობისთვისაც ეკისრება პასუხისმგებლობა.

„ვფიქრობ, პრეზიდენტმა ძალიან სწორი გადაწყვეტილება მიიღო. გარდა იმისა, რომ ეს იყო ჰუმანური გადაწყვეტილება და მადლობა მას ამისთვის, ეს იყო სამართლებრივად და პოლიტიკურად სწორი გადაწყვეტილება. როდესაც ამ საქმეზე საერთაშორისო ექსპერტებმა გამოთქვეს თავიანთი მოსაზრება, სახალხო დამცველის ოფიციალური პოზიციაც გამოჩნდა, რომ  ბრალდების საფუძვლიანობა სერიოზულ კითხვის ნიშნებს აჩენს და ასე შემდეგ, როცა ასე არადამაჯერებელია ის განაჩენი და მით უმეტეს, როცა სააპელაციო სასამართლომ დაადგინა, რომ პირველი ინსტანციის სასამართლოს მიერ, ამ პირთა მსჯავრდება გაფლანგვის ბრალდებით იყო არასწორი, რომ ამ ადამიანებს ეს დანაშული არ ჩაუდენიათ და ახლა დააკვალიფიცირა გაცილებით მსუბუქი მუხლით, ასეთ შემთხვევაში, იმ დარჩენილი ერთნახევარი თვის ბოლომდე მოხდა, მიზანშეწონილად არ შეიძლებოდა ჩაეთვალა პრეზიდენტს. სწორედ ეს იყო ის მომენტი, როდესაც მას უნდა გამოეყენებინა შეწყალება. იქნებ ის ახალი ბრალდებაც არასწორია, როგორც წინა, 7 წლის სასჯელით. პრეზიდენტი ამ საქმის მსვლელობას აკვირდებოდა, აცხადებდა საჯაროდ, გვქონდა კიდევაც მასთან შეხვედრა და ადვოკატებისგან ღებულობდა ინფორმაციას“, - განაცხადა შავგულიძემ.

ცნობისთვის, ე.წ კაბელების საქმეზე მსჯავრდებულები პრეზიდენტმა გიორგი მარგველაშვილმა გუშინ შეიწყალა. მათ საპატიმრო უკვე დატოვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა