2017-01-27 21:16:46, 2877 ნახვა
პოლიტიკა სამართალი საზოგადოება
„კაბელების საქმეზე“ დაკავებულები სასჯელაღსრულების დაწესებულებას უახლოეს საათებში დატოვებენ
ე.წ. კაბელების საქმეზე დაკავებულები სასჯელაღსრულების მეთორმეტე დაწესებულებას უახლოეს საათებში დატოვებენ, - ამის შესახებ ბრალდებულთა ადვოკატმა სოსო ბარათაშვილმა ჟურნალისტებს განუცხადა.
როგორც ადვოკატმა განმარტა, მიღებული გადაწყვეტილება იყო პრეზიდენტის ინიციატივა და დაცვის მხარეს შეწყალების მოთხოვნით პრეზიდენტისთვის არ მიუმართავს.
სასჯელაღსრულების მე-12 დაწესებულებასთან იმყოფებიან "კაბელების საქმეებზე" დაკავებულთა ახლობლები და პარტია ”თავისუფალი დემოკრატების” ლიდერები.
ცნობისთვის, საქართველოს პრეზიდენტმა დღეს ე.წ. კაბელების საქმეზე სჯავრდებული, თავდაცვის სამინისტროს ყოფილი მაღალჩინოსნები შეიწყალა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
