საყოველთაო ჯანდაცვის პროგრამის ფარგლებში, ჯანდაცვის სამინისტრო უფლებამოსილია სასამართლოს დასრულებამდე სადაო თანხები კლინიკებს შემდეგი თვეების ანაზღაურებიდან დაუქვითოს.

გადაწყვეტილება მთავრობის დღევანდელ სხდომაზე მიიღეს.

ჯანდაცვის სამინისტრო კანონით მინიჭებული ვალდებულებების ფარგლებში ახორციელებს საბიუჯეტო ხარჯების მიზნობრიობის და ეფექტურობის კონტროლს.

მონიტორინგის შედეგად გამოვლინდა შემთხვევები, როდესაც რიგი კლინიკები საყოველთაო ჯანდაცვის პროგრამის ფარგლებში დაუსაბუთებლად ითხოვენ თანხას.

შემთხვევათა აბსოლუტურ უმრავლესობაში სადაო თანხა სამედიცინო დაწესებულებების მხრიდან საჩივრდება სასამართლოში, თუმცა ასეთი დავები ხშირ შემთხვევაში წელიწადზე მეტ ხანს გრძელდება. შესაბამისად ვერ ხდება თანხის ბიუჯეტში დროული მიმოქცევა. რაც სერიოზული პრობლემა იყო ერთი მხრივ, ბიუჯეტის პარამეტრების ადეკვატური შესრულებისთვის, ხოლო მეორე მხრივ, კლინიკებთან ადეკვატური საქმიანი ურთიერთობების დასამყარებლად.

დღეის მდგომარეობით, დავა მიმდინარეობს 21-ზე მეტ კლინიკასთან 100-ზე მეტ შემთხვევაზე, ჯამში 8 მილიონ ლარზე. სამინისტრო ხაზს უსვამს, რომ სასამართლოს გადაწყვეტილება უზენაესია, თუმცა დავის დასრულებამდე იტოვებს უფლებას მომავალი თვეების ანაზღაურებაში შეაკავოს ამ ტიპის სადავო თანხის ოდენობა.

იმ შემთხვევაში თუ სასამართლო კლინიკის სასარგებლოდ მიიღებს გადაწყვეტილებას, რა თქმა უნდა, შეჩერებული თანხა დაწესებულებას უკან დაუბრუნდება. ადმინისტრირების ამ მეთოდის შემოღების საფუძველს გვაძლევს არსებული სტატისტიკა, რომელიც უჩვენებს რომ სასამართლო დავების 95 პროცენტი სამინისტროს სასარგებლოდ დასრულდა. ადმინისტრირების ახალი წესი გათვლილია იმაზეც, რომ საჯარიმო თანხების რაოდენობა ისე გადანაწილდეს, რომ კლინიკების ფუნქციონირებას ხელი არ შეეშალოს ან არ შეიზღუდოს სამედიცინო დაწესებულებების მუშაობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა