სესიაშვილი: გია ცერცვაძეს ყველა ვგულშემატკივრობთ, ოპოზიცია კი, ისტერიკას აწყობს

2017-01-23 20:03:29, 1527 ნახვა

პოლიტიკა

„ყველა ვთანხმდებით იმაზე, რომ სქართველოს მოქალაქე უნდა იყოს დაცული. გია ცერცვაძეს ყველა ვგულშემატკივრობთ, რომ არ მოხდეს მისი ექსტრადირება“, - ამის შესახებ თავდაცვისა და უშიშროების კომიტეტის თავმჯდომარემ ირაკლი სესიაშვილმა ჟურნალისტებს განუცხადა.

სესიაშვილი ამბობს, რომ ოპოზიცია გია ცერცვაძის საკითხით სპეკულირებს.

„ამ თემით ოპოზიცია სპეკულირებს და ისტერიკებს აწყობს, მაშინ, როდესაც ჩვენ უნდა გვქონდეს საერთო ინტერესები, ვმოქმედებდეთ. უმრავლესობის, ხელისუფლების, სახელმწიფოს ინტერესია, რომ ეს ადამიანი რუსეთში ექსტრადირებისგან დავიხსნათ, როგორც ვატყობ, ოპოზიციის ინტერესია, რომ ზედმეტად იყაყანონ, ისტერიკები მოაწყონ და ეცადონ, რომ ამ თემის პოლიტიზირებით რაღაც თავი წარმოაჩინონ , ისე რომ თავად სურთ, ბატონი ცერცვაძე არ გადაეცეს რუსეთს და „ქართულ ოცნებას“ პირიქით უნდა. რა თქმა უნდა ეს არის აბსურდი, არასწორი, არაეთიკური დამოკიდებულება მინიმუმ კოლეგების მიმართ. ამიტომ, სახელმწიფო ყველაფერს აკეთებს, რაც კი მისი შესაძლებლობების ფარგლებშია, რომ ეს ადამიანი რუსეთს არ გადაეცეს“, - განაცხადა ირაკლი სესიაშვილმა.