იტალიის ქალაქ ბარიში საქართველოს მოქალაქის ცხედარი იპოვეს, - ამის შესახებ იტალიური მედია წერს. 

მედიის ინფორმაციით, შუა ხნის მამაკაცის ცხედარი სკვერში იპოვეს. გამოძიებით დადგინდა, რომ მკვლელობამდე მამაკაცი მეუღლესთან ერთად წვეულებაზე იმყოფებოდა.

მედიის ცნობით, არსებობს ეჭვი, რომ შელაპარაკება სწორედ ამ წვეულებაზე მოხდა, სადაც, გავრცელებული ინფორმაციით, ქართველებიც იყვნენ.

ადგილზე სადაც მამაკაცი ნახეს, სისხლის კვალი არ აღმოჩნდა. არსებობს ვარაუდი, რომ 45 წლის მამაკაცი სხვაგან მოკლეს და გვამი სკვერში მიიტანეს.

არსებული ინფორმაციით, მამაკაცს ზურგის არეში ცეცხლსასროლი იარაღიდან მიყენებული ჭრილობა აღენიშნება.

მომხდარი ფაქტი "ექსპრესნიუსს" საქართველოს საგარეო საქმეთა სამინისტროში დაუდასტურეს. 

როგორც უწყებაში აცხადებენ, მომხდარზე გამოძიება მიმდინარეობს.

მათივე ინფორმაციით, საელჩო და საკონსულო ინფორმირებულია.

"გარდაცლილის ოჯახის წევრები შემოიტანენ განაცხადს, რის შემდეგადაც გადმოსვენების პროცედურა დაიწყება", - აცხადებენ სამინისტროში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა