შევიმუშავებთ კონსტიტუციის პრეამბულის ალტერნატიულ ფორმულირებას, სადაც საია-ს ინიციატივა [კონსტიტუციის პრეამბულაში საქართველოს ევროპული მისწრაფების დაფიქსირების საკითხთან დაკავშირებით] აისახება, - ამის შესახებ საქართველოს პარლამენტის თავმჯდომარემ, ირაკლი კობახიძემ ”საზოგადოებრივი მაუწყებლის” ეთერში განაცხადა.

მისი თქმით, სხდომაზე საკითხთან დაკავშირებით წმინდა სამართლებრივი მსჯელობა გაიმართა. მისივე განცხადებით, სხდომაზე შეთანხმდნენ, რომ შეიმუშაონ კონსტიტუციის პრეამბულის ალტერნატიული ფორმულირება, სადაც აისახება ეს ინიციატივა. 

"ზოგადად, რა თქმა უნდა, სამუშაო ჯგუფის წევრთა უდიდესი უმრავლესობა თანხმდება ჩვენს საგარეო პოლიტიკურ კურსზე, საგარეო პოლიტიკურ პრიორიტეტებზე, თუმცა, აქ წმინდა სამართლებრივი თვალსაზრისით იყო ერთგვარი აზრთა სხვადასხვაობა, რამდენად არის ეს კონსტიტუციური მნიშვნელობის საკითხი, რამდენად არის ისეთი საკითხი, რომელიც უნდა აისახოს კონსტიტუციის პრეამბულაში თუ კონსტიტუციის რომელიმე თავში. ამასთან დაკავშირებით წარიმართა წმინდა სამართლებრივი სახის მსჯელობა, ეს მსჯელობა, რა თქმა უნდა, არ უკავშირდებოდა ჩვენს საგარეო პოლიტიკურ კურსს. ჩვენ ვაგრძელებთ მუშაობას, ჩვენ შევთანხმდით იმაზე, რომ შევიმუშავებთ ალტერნატიულ ფორმულირებას კონსტიტუციის პრეამბულის, სადაც აისახება ის ინიციატივა, რომელიც დღეს გაჟღერდა ახალგაზრდა იურისტთა ასოციაციის მხრიდან, ასეთი ფორმულირება იქნება შემუშავებული და ჩვენ უკვე სამუშაო ჯგუფის მეორე სხდომაზე ვიმსჯელებთ ამ ფორმულირებასთან დაკავშირებით. კონკრეტული რედაქცია ჩამოყალიბდება და ამ რედაქციის გარშემო წარიმართება მსჯელობა“, - განაცხადა კობახიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა

პაპუაშვილი – საქართველო-აშშ-ის ურთიერთობები გადატვირთვის გზით მიდის

კობახიძე - ალდეს ლიბერალობის არაფერი ეტყობა, კვლავაც დგანან რადიკალიზმის, მათ შორის ტერორისტული აქტის მხარეს