2017-01-16 18:26:48, 1289 ნახვა
საზოგადოება
ქვემო ქართლში საქართველოს ტანვარჯიშის სახეობათა ეროვნულ ფედერაციას მიხეილ ჩხარტიშვილი უხელმძღვანელებს
ქვემო ქართლში ტანვარჯიშის სახეობათა ეროვნული ფედერაცია ჩამოყალიბდა. ტანვარჯიშის სახეობათა ეროვნულ ფედერაციას მიხელ ჩხარტიშვილი უხელმძღვანელებს.
ფედერაცია დღეს საჯარო რეესტრში ოფიციალურად დარეგისტრირდა. ჩხარტიშვილი ხელმძღვანელის პოსტზე დამფუძნებლებმა და პრეზიდიუმის წევრებმა აირჩიეს.
„ძალიან დიდი გეგმები გვაქვს. ვიმედოვნებთ, რომ ფედერაციის დაარსების შემდეგ ჩვენ ბევრად უფრო მეტი წარმატებები გვექნება. ჩვენ ხელს შევუწყობთ ამ სახეობის განვითარებას ქვემო ქართლში“,-განაცხადა ჩხარტიშვილმა.
რეგისტრაციის პროცესის შემდეგ ფედერაციის პრეზიდენტი და წევრები ქვემო ქართლის გუბერნატორმა პაატა ხიზანაშვილმა სამხარეო ადმინისტრაციაში მიიწვია, სადაც სამომავლო გეგმებზე ესაუბრა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
