სახალხო დამცველი, უჩა ნანუაშვილი სარეკლამო რგოლს – „სანტას თოვლის ბაბუამ წაასწრო" გამოეხმაურა.

როგორც ომბუდსმენმა აღნიშნა, ზემოხსენებული ვიდეო რგოლი, რომელიც New Studio-მ დაამზადა, ბავშვის უფლებებს არღვევს და კომპანიას რეკლამის გავრცელების შეწყვეტისკენ მოუწოდებს. 

"ექსპრესნიუსი" განცხადებას უცვლელად გთავაზობთ:

"სახალხო დამცველი მიიჩნევს, რომ ინტერნეტით გავრცელებული ვიდეო რგოლი, სადაც ქართველი თოვლის ბაბუა სანტა კლაუსს კლავს, ვინაიდან ფიქრობს, რომ „ნამდვილი კაცი კარიდან შემოდის", აღნიშნულ სცენას კი მცირეწლოვანი ბავშვი ესწრება, მავნე ზეგავლენას ახდენს როგორც მასში მონაწილე ბავშვზე, ასევე სხვა არასრულწლოვნებზე, რომელთა დიდ ნაწილს, მიუხედავად კლიპზე მითითებული 18 წლამდე ასაკის ადამიანთათვის ნახვის შეზღუდვისა, თავისუფლად მიუწვდება ხელი ამ ვიდეო რგოლზე", - ნათქვმია განცხადებაში. 

ცნობისთვის, კომპანია New Studio-მ ვიდეო რგოლი გაავრცელა, სადაც ჩოხაში ჩაცმული თოვლის პაპა, სანტა კლაუსს კლავს. 

შინაარსიდან გამომდინარე "ექსპრესნიუსი" ვიდეოს არ ავრცელებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სამშენებლო კომპანიების გაკოტრების ტალღამ მოიცვა

დააკავეს ნაცისტურ-ფაშისტური იდეოლოგიის მქონე დაჯგუფების ერთ-ერთი ლიდერი - შსს

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება