აჭარის არ მთავრობის თავმჯდომარემ ზურაბ პატარაძემ მუნიციპალიტეტის გამგებელთან დავით დუმბაძესთან ერთად  ქედაში სოციალურად დაუცველი ოჯახები მოინახულა და საახალწლო საჩუქრები გადასცა. ამის შესახებ "ექსპრესნიუსს" აჭარის არ ამთავრობის ადმინისტრაციიდან აცნობეს.

უწყების ინფორმაციით, სოფელ ნამლისევში ჯუმბერ მალაყმაძის ორსართულიანი საცხოვრებელი 2 სექტემბერს მთლიანად დაიწვა. სოციალურად დაუცველი 3-წევრიანი ოჯახი გამგეობამ იმავე სოფელში ქირით გაიყვანა. აჭარის მთავრობა ოჯახს 10 000 ლარით დაეხმარა. 

ოჯახს დღეს მუნიციპალიტეტის გამგეობამ და პროფკავშირებმა საჩუქრად გაზქურა, სასურსათო პროდუქტები და ტკბილეულის ფუთები გადასცა.

ზურაბ პატარაძემ და დავით დუმბაძემ სოფელ აბუქეთაში ავღანეთის ომის ვეტერანის, პირველი ჯგუფის ინვალიდის ავთანდილ ბერიძის ოჯახიც მოინახულეს და წინასაახალწლოდ თბილი ტანსაცმელი, ტკბილეულობა და სასურსათო ნობათი ადგილზე მიუტანეს.

4 წევრიან ოჯახში 3 ჯანმრთელობის პრობლემებს ებრძვის. ოჯახს ახალი წელი მიულოცეს და თანადგომა აღუთქვეს. ,,ჩვენთვის უმნიშვნელოვანესი პრიორიტეტი ადამიანი და მისი უფლებებია", აღნიშნა მთავრობის თავმჯდომარემ. დავით დუმბაძე ბერიძეების ოჯახს შესაძლებლობების ფარგლებში მაქსიმალურ თანადგომას დაჰპირდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა