საქართველოს პრემიერ-მინისტრი ირაკლი ღარიბაშვილი თურქული კომპანია Kaya Group-ის ხელმძღვანელობას შეხვდა. შეხვედრისას Kaya Group-ის საინვესტიციო პროექტის შესახებ ისაუბრეს. თურქული კომპანია საქართველოში ტექსტილის ბიზნესის წარმოებას და პროდუქციის ევროკავშირის ბაზარზე ექსპორტს გეგმავს.
პრემიერმა პოტენციურ ინვესტორებს  საქართველოში არსებული ბიზნესგარემოს შესახებ ინფორმაცია მიაწოდა და აღნიშნა, რომ ამ მხრივ ქვეყანა მსოფლიოს გავლენიან რეიტინგებში მოწინავე პოზიციებს ინარჩუნებს.
პრემიერმა შეხვედრისას ყურადღება ასევე გაამახვილა საქართველო-თურქეთის მჭიდრო პოლიტიკურ ურთიერთობებზე.
„გვჯერა, რომ ერთობლივი პროექტები გააფართოებს ჩვენს ეკონომიკურ ურთიერთობებს მომავალ წლებში და აღმოაჩენს ბიზნესთანამშრომლობის ახალ შესაძლებლობებს”, - განაცხადა ირაკლი ღარიბაშვილმა და იმედი გამოთქვა, რომ Kaya Group-ის მიერ დაგეგმილი პროექტი წარმატებით განხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა