საქართველოს მთავრობის სხდომაზე პრემიერ-მინისტრმა, გიორგი კვირიკაშვილმა ქვეყანაში კურორტების განვითარების მნიშვნელობაზე ისაუბრა.

კვირიკაშვილის განმარტებით, განვითარებული კურორტები ქვეყანაში დამატებითი შემოსავლების საწინდარია. სწორედ ამიტომ, მისივე თქმით,  მთავრობა  ტრადიციულ კურორტებს სრულიად  ახალ  დატვირთვას აძლევს:

 „ჩვენ სრულიად ახალ დატვირთვას ვაძლევთ ტრადიციულ კურორტებს. ბაკურიანი და გუდაური, ეს არის ახალი საბაგიროები, ახალი ტრასები, წყალმომარაგების სისტემები, ატრაქციები, რომლებიც ამ კურორტებზე ქმნის უამრავ სამუშაო ადგილს და ამ კურორტების გარშემო ძალიან დიდი რადიუსით იძლევა ადამიანების დასაქმების საშუალებას. ეს არის ახალი შემოსავლები და ქვეყნის პოპულარიზაცია, რაც თავისთავად მნიშვნელოვანია არა მხოლოდ ტურისტების მოზიდვისთვის, არამედ ქართული პროდუქტის უცხოურ ბაზრებზე გაყიდვისთვის. ასევე ვავითარებთ ახალ კურორტებს. ეს არის თეთნულდი და გოდერძის კურორტი და ეს არის კიდევ სხვა კურორტები. ამ პროექტებს კერძო სექტორთან ერთად ვახორციელებთ და ვფიქრობთ, ეს იქნება ძალიან მნიშვნელოვანი საქართველოსთვის სრულიად ახალი ტურისტული იმიჯის ჩამოყალიბებისთვის“,- განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა