საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა, გორის მაჟორიტარმა დეპუტატმა თემურ ხუბულურმა და გორის მერმა ზურაბ ჯირკველიშვილი  გორში, 8 კორპუსის სამშენებლო სამუშაოები მოინახულეს.

ლტოლვილთა და განსახლების სამინისტროს ინფორმაციით, გორში 8 ათსართულიანი კორპუსის მშენებლობა 2017 წლის ივნისში დასრულდება და ახალ ბინას 480 დევნილი ოჯახი მიიღებს. 

დევნილთა და განსახლების მინისტრმა სოზარ სუბარმა დევნილებთან შეხვედრისას განაცხადა, რომ გორში ახალაშენებულ კორპუსებში საცხოვრებელი ბინის მიღების მოთხოვნით განაცხადების მიღება  2017 წლის 3 იანვარს დაიწყება.

მშენებლობის პარალელურად, გორში  თავდაცვის სამინისტროს მიერ გადმოცემული კორპუსის სარეაბილიტაციო სამუშაოებიც მიმდინარეობს. 

ხუთსართულიან კორპუსში 29 ბინაა, რომლებიც ეგრეთ წოდებულ ტურბაზის ჩასახლებაში, ლევან სამხარაულის სახელობის ექსპერტიზის ეროვნული ბიუროს დასკვნის თანახმად ნგრევად შენობებში მცხოვრებ დევნილ ოჯახებს გადაეცემათ.

ორივე მშენებლობაზე დასაქმებულთა 70%-ს დევნილები შეადგენენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია