აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილეები მუშაობას შეუდგნენ.

მინისტრის პირველ მოადგილედ ამავე უწყების სოციალური დაცვის დეპარტამენტის უფროსი ლელა სურმანიძე დაინიშნა.

ლელა სურმანიძე აჭარის ჯანდაცვის სამინისტროში 2007 წლიდან საქმიანობს. 2011 წლამდე ხელმძღვანელობდა ჯანმრთელობის დაცვისა და სოციალურ საკითხთა დეპარტამენტს. 2011 წლიდან დღემდე იყო სოციალური დაცვის დეპარტამენტის უფროსი. ლელა სურმანიძე პროფესიით ექიმია, აქვს სამედიცინო საქმიანობის მრავალწლიანი გამოცდილება.

საკადრო ცვლილება არ შეხებია მინისტრის ორ მოადგილეს, ნონა გალოგრეს და რამაზ ჯინჭარაძეს.

ნონა გალოგრე აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილედ 2008 წლიდან მუშაობს, მას სახელმწიფო და კერძო სექტორში საქმიანობის 31 წლიანი გამოცდილება აქვს.

რამაზ ჯინჭარაძე უწყებაში 2004 წელს დასაქმდა, მუშაობდა სხვადასხვა პოზიციაზე, ხოლო მინისტრის მოადგილის თანამდებობაზე პირველად 2009 წელს დაინიშნა და მას შემდეგ თანამდებობა არ შეუცვლია.

აჭარის ავტონომიური რესპუბლიკის ჯანმრთელობისა და სოციალური დაცვის მინისტრს ოთხი მოადგილე ჰყავს. ამჟამად ვაკანტურია მინისტრის კიდევ ერთი მოადგილის პოზიცია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია